പാലക്കാട്: നിയമസഭാ തിരഞ്ഞെടുപ്പിൽ പാലക്കാട് മത്സരിക്കാൻ താല്പര്യം പ്രകടിപ്പിച്ച് ഷാഫി പറമ്പിൽ എംപി. പാലക്കാട് മത്സരിക്കാനാണ് അതിൽ ഷാഫി പറമ്പിൽ ലക്ഷ്യമിടുന്നത്. സംസ്ഥാനത്തെ 5 എംപിമാർ നിയമസഭാ തെരഞ്ഞെടുപ്പിൽ മത്സര സന്നദ്ധത പ്രകടിപ്പിച്ചിട്ടുണ്ട്.
കേരളത്തിലെ സീറ്റ് നിർണയത്തിനുള്ള സ്ക്രീനിങ് കമ്മിറ്റി അധ്യക്ഷൻ മധുസൂദനൻ മിസ്ത്രി എംപിമാർ മത്സരിക്കേണ്ട എന്നാണ് വ്യക്തിപരമായ നിലപാട് എന്ന വ്യക്തമാക്കിയിരുന്നെങ്കിലും ഷാഫി പറമ്പിൽ ഉൾപ്പെടെ സമ്മർദ്ദ തന്ത്രങ്ങൾ ശക്തമാക്കുകയാണ്. പാർട്ടിയുടെ താല്പര്യം പരിഗണിച്ചാണ് ലോക്സഭയിലേക്ക് മത്സരിച്ചതെന്നും വ്യക്തിപരമായി നിയമസഭയിലേക്ക് മത്സരിക്കാനാണ് ആഗ്രഹം എന്നും ഷാഫി നേതൃത്വത്തെ അറിയിച്ചിട്ടുണ്ട്. അതേസമയം രാഹുൽ മാങ്കൂട്ടത്തിന്റെ പീഡന- ഗർഭച്ഛിദ്ര കേസുകൾ ഉറ്റകൂട്ടാളിയായ ഷാഫിക്ക് തിരിച്ചടിയാകുമോ എന്ന സംശയവും കോൺഗ്രസ് നേതൃത്വത്തിനുണ്ട്.
