തിരുവനന്തപുരം: സംസ്ഥാനത്ത് സ്വര്ണ്ണവിലയില് വന് കുതിച്ചുചാട്ടം. ഇന്ന് രാവിലെയും വൈകുന്നേരവുമായി രണ്ടുതവണ വില വര്ദ്ധിച്ചതോടെ വിപണിയില് വലിയ ചലനങ്ങളാണുണ്ടായിരിക്കുന്നത്. വൈകുന്നേരത്തെ റിപ്പോര്ട്ട് പ്രകാരം ഒരു ഗ്രാം സ്വര്ണ്ണത്തിന് 135 രൂപ വര്ദ്ധിച്ച് 14,020 രൂപയിലെത്തി. ഇതോടെ ഒരു പവന് സ്വര്ണ്ണത്തിന്റെ വില 1,12,160 രൂപയായി ഉയര്ന്നു.
ഇന്നത്തെ വിലനിലവാരം നോക്കിയാല് രാവിലെ വര്ദ്ധിച്ചത് ഗ്രാമിന് 180 രൂപയാണ് (13,885 രൂപ). വൈകുന്നേരം വര്ദ്ധിച്ചത് ഗ്രാമിന് 135 രൂപയാണ്(14,020 രൂപ). ഇന്ന് മാത്രം ഗ്രാമിന് 315 രൂപയും പവന് 2,520 രൂപയും വര്ദ്ധിച്ചു. പവന് 1,09,640 രൂപയായിരുന്നു. അതേസമയം, വെള്ളി വിലയിലും മാറ്റം ഉണ്ടായിട്ടുണ്ട്. സ്വര്ണ്ണത്തിനൊപ്പം വെള്ളി വിലയിലും വര്ദ്ധനവ് രേഖപ്പെടുത്തിയിട്ടുണ്ട്. ഒരു ഗ്രാം വെള്ളിക്ക് 255 രൂപയും, 10 ഗ്രാം വെള്ളിക്ക് 2,550 രൂപയുമാണ് ഇന്നത്തെ നിരക്ക്.
പശ്ചിമേഷ്യയിലെ യുദ്ധസാഹചര്യങ്ങളും രാജ്യാന്തര വിപണിയിലെ അസ്ഥിരതയുമാണ് സ്വര്ണ്ണവിലയെ സ്വാധീനിക്കുന്ന പ്രധാന ഘടകങ്ങള്. പശ്ചിമേഷ്യയില് സംഘര്ഷം നീളുന്നത് ആഗോള സാമ്പത്തിക മാന്ദ്യത്തിന് കാരണമാകുമോ എന്ന ഭയത്താല് നിക്ഷേപകര് സുരക്ഷിത നിക്ഷേപമെന്ന നിലയില് സ്വര്ണ്ണത്തിലേക്ക് തിരിയുന്നു. ഡോളറിന്റെ കരുത്തും അമേരിക്കന് ഫെഡറല് റിസര്വ് പലിശ നിരക്കുകളില് വരുത്തുന്ന മാറ്റങ്ങളുമാണ് വരും ദിവസങ്ങളില് സ്വര്ണ്ണവില നിശ്ചയിക്കുക. പലിശ നിരക്ക് കുറയ്ക്കാന് തീരുമാനിച്ചാല് സ്വര്ണ്ണവില ഇനിയും ഉയരാന് സാധ്യതയുണ്ടെന്നാണ് സാമ്പത്തിക വിദഗ്ധരുടെ വിലയിരുത്തല്.
2026 ജനുവരി 29-ന് രേഖപ്പെടുത്തിയ ഗ്രാമിന് 16,395 രൂപയും പവന് 1,31,160 രൂപയുമാണ് കേരളത്തിലെ ഇതുവരെയുള്ള ഏറ്റവും ഉയര്ന്ന നിരക്ക്. നിലവിലെ ചാഞ്ചാട്ടം തുടരുന്ന സാഹചര്യത്തില് സ്വര്ണ്ണത്തില് നിക്ഷേപം നടത്തുന്നവര് അതീവ ജാഗ്രതയോടെയാണ് വിപണിയെ നിരീക്ഷിക്കുന്നത്.
