തിരുവനന്തപുരം: സംസ്ഥാനത്ത് സ്വര്‍ണവിലയില്‍ കുതിച്ചുചാട്ടം തുടരുന്നു. പശ്ചിമേഷ്യന്‍ മേഖലയിലെ സമാധാന ശ്രമങ്ങള്‍ക്കും വെടിനിര്‍ത്തലിനും പിന്നാലെ വിപണിയില്‍ സ്വര്‍ണത്തിന് പ്രിയമേറിയതാണ് വില വര്‍ദ്ധിക്കാന്‍ കാരണമായത്. ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ്സ് അസോസിയേഷന്‍ പുറത്തുവിട്ട പുതിയ നിരക്കുകള്‍ പ്രകാരം പവന് വില 1.11 ലക്ഷം കടന്നു.
ഇന്നത്തെ സ്വര്‍ണ നിരക്ക് (22 കാരറ്റ്)ഉച്ചയ്‌ക്ക് ശേഷമുള്ള വ്യാപാരത്തില്‍ വില വീണ്ടും ഉയര്‍ന്നതോടെ ഒരു പവന് സ്വര്‍ണത്തിന്റെ വില 1,11,600 രൂപയായി. ഗ്രാമിന് 65 രൂപ വര്‍ദ്ധിച്ച് 13,950 രൂപയിലാണ് വ്യാപാരം നടക്കുന്നത്. 18 കാരറ്റ്11,46591,7201, നാല് കാരറ്റ്8,92571,400, ഒന്‍പത് കാരറ്റ് 5,75546,040 എന്നിങ്ങനെയാണ്.
ആഗോള വിപണിയിലെ അസ്ഥിരതയും രൂപയുടെ മൂല്യത്തിലുണ്ടാകുന്ന മാറ്റങ്ങളുമാണ് ആഭ്യന്തര വിപണിയില്‍ പ്രതിഫലിക്കുന്നത്. 2026 ജനുവരി 29-നാണ് കേരളത്തില്‍ സ്വര്‍ണവില ഏറ്റവും ഉയര്‍ന്ന നിരക്കിലെത്തിയത് (പവന് 1,31,160 രൂപ). റെക്കോര്‍ഡ് നിരക്കിലേക്ക് എത്തിയില്ലെങ്കിലും ഡിസംബര്‍ മാസത്തെ അപേക്ഷിച്ച് നിലവില്‍ വില ഉയര്‍ന്ന നിലവാരത്തിലാണ്. വരും ദിവസങ്ങളിലും സ്വര്‍ണവിലയില്‍ അസ്ഥിരത തുടരാന്‍ സാധ്യതയുണ്ടെന്നാണ് വിപണി നിരീക്ഷകര്‍ വ്യക്തമാക്കുന്നത്. രാജ്യാന്തര സാഹചര്യങ്ങള്‍ മാറുന്നതിനനുസരിച്ച് വിലയില്‍ ഇനിയും വ്യതിയാനങ്ങള്‍ ഉണ്ടായേക്കാം.
