തിരുവനന്തപുരം: സെക്രട്ടറിയേറ്റിന് മുന്നിലെ വലിയമരം ഒടിഞ്ഞുവീണു. കന്റോൺമെന്റ് ഗേറ്റിന് മുന്നിലെ മരം ഇന്ന് ഉച്ചയ്ക്കാണ് ഒടിഞ്ഞുവീണത്.
വലിയ ശബ്ദത്തോടെയാണ് മരം വീണത്. ശബ്ദം കേട്ടപ്പോൾ അവിടെ ഉണ്ടായിരുന്നവർ പരിസരപ്രദേശത്ത് നിന്ന് ഓടിമാറുകയായിരുന്നു.ഉടൻ വൈദ്യുതി ബന്ധം വിച്ഛേദിച്ചു.
അഗ്നിശമന സേനയെത്തി മരം മുറിച്ചുമാറ്റി . ഇതുവഴിയുള്ള ഗതാഗതം താൽക്കാലികമായി നിർത്തിവച്ചു.
മന്ത്രിമാരുടെയും ഉദ്യോഗസ്ഥരുടെയും വാഹനങ്ങള് കടന്നു പോകുന്ന വഴിയിലാണ് മരം ഒടിഞ്ഞു വീണത്. അടുപ്പിച്ച് അവധി ദിവസങ്ങളായതിനാൽ ജീവനക്കാരിൽ പലരും ഇന്നേ ദിവസം അവധയെടുത്തതിനാൽ ഹാജർ നിലയും കുറവായിരുന്നു. മരത്തിന് താഴെ ജീവനക്കാർ ഇല്ലാത്തതിനാൽ വൻ അപകടം ഒഴിവായി.
സെക്രട്ടറിയേറ്റ് പരിസരത്ത് മരങ്ങള് അപകട അവസ്ഥയിൽ നിൽക്കുന്നത് പല പ്രാവശ്യം ശ്രദ്ധയിൽപ്പെടുത്തിയിട്ടും അധികൃതർ നടപടിയെടുക്കുന്നില്ലെന്ന് സെക്രട്ടറിയേറ്റ് അസോസിയേഷൻ ആരോപിച്ചു.
