ആലപ്പുഴ: അത്യാഹിത വിഭാഗത്തിലേക്ക് കുതിച്ച അഗ്നിരക്ഷാ സേനയുടെ വാഹനത്തിന് സൈറണ് മുഴക്കിയിട്ടും വഴി നല്കാതിരുന്ന കാര് ഡ്രൈവര്ക്കെതിരെ മോട്ടോര് വാഹന വകുപ്പിന്റെ (MVD) കടുത്ത നടപടി. കുത്തിയത്തോട് സ്വദേശിയായ വാഹന ഉടമയുടെ ഡ്രൈവിങ് ലൈസന്സ് ആറ് മാസത്തേക്ക് സസ്പെന്ഡ് ചെയ്തു. ശിക്ഷാ നടപടിയുടെ ഭാഗമായി അഞ്ച് ദിവസം മലപ്പുറം എടപ്പാളിലെ ഇന്സ്റ്റിറ്റ്യൂട്ടില് പ്രത്യേക പരിശീലന ക്ലാസില് പങ്കെടുക്കാനും നിര്ദ്ദേശമുണ്ട്. കഴിഞ്ഞ ചൊവ്വാഴ്ച രാവിലെ തുറവൂര് താലൂക്ക് ആശുപത്രിയിലെ മരുന്ന് സംഭരണ കേന്ദ്രത്തിലുണ്ടായ വന് തീപ്പിടിത്തം അണയ്ക്കാന് പോയ ആലപ്പുഴ യൂണിറ്റിലെ ഫയര് എഞ്ചിനാണ് വഴിയില് തടസ്സം നേരിട്ടത്. KL 32 V 7934 എന്ന നമ്പറിലുള്ള കാര് ഏറെദൂരം ഫയര് ഫോഴ്സ് വാഹനത്തിന് മുന്നില് വഴി നല്കാതെ സഞ്ചരിച്ചു. നിരന്തരം ഹോണടിച്ചിട്ടും സൈറണ് മുഴക്കിയിട്ടും കാര് ഡ്രൈവര് ഒഴിഞ്ഞുമാറാന് തയ്യാറായില്ല. ഇതിന്റെ ദൃശ്യങ്ങള് സമൂഹമാധ്യമങ്ങളില് വൈറലായതോടെയാണ് അധികൃതര് നടപടിയെടുത്തത്.
മോട്ടോര് വാഹന വകുപ്പ് ഉദ്യോഗസ്ഥര്ക്ക് മുന്നില് ഹാജരായ ഉടമ വിചിത്രമായ കാരണമാണ് ബോധിപ്പിച്ചത്. മകന് കഠിനമായ പനിയായതിനാല് ആശുപത്രിയിലേക്ക് പോകുന്ന ടെന്ഷനിലായിരുന്നുവെന്നും, അതിനാല് പിന്നില് സൈറണ് മുഴങ്ങുന്നത് ശ്രദ്ധയില്പ്പെട്ടില്ലെന്നുമാണ് ഇയാള് നല്കിയ വിശദീകരണം. ഈ വിശദീകരണം ഉദ്യോഗസ്ഥര് പരിഗണിച്ചെങ്കിലും, അടിയന്തര സാഹചര്യങ്ങളിലെ ഇത്തരം വീഴ്ചകള് വലിയ ദുരന്തങ്ങള്ക്ക് കാരണമാകുമെന്ന് വിലയിരുത്തിയാണ് ശിക്ഷാ നടപടികളിലേക്ക് കടന്നത്. രക്ഷാപ്രവര്ത്തനത്തിനായി പോകുന്ന വാഹനങ്ങള്ക്ക് മുന്ഗണന നല്കാത്തവര്ക്കെതിരെ വിട്ടുവീഴ്ചയില്ലാത്ത നടപടികള് തുടരുമെന്ന് മോട്ടോര് വാഹന വകുപ്പ് മുന്നറിയിപ്പ് നല്കി.
