തിരുവനന്തപുരം: കേരളത്തില് വേനല് കടുക്കുന്നതോടെ വൈദ്യുതി ഉപയോഗം സര്വകാല റെക്കോര്ഡുകള് ഭേദിക്കുന്നു. കഴിഞ്ഞ വെള്ളിയാഴ്ച രേഖപ്പെടുത്തിയ 11.61 കോടി യൂണിറ്റ് പ്രതിദിന ഉപയോഗം സംസ്ഥാന ചരിത്രത്തിലെ ഏറ്റവും ഉയര്ന്ന കണക്കാണ്. 2024 മേയ് മാസത്തിലുണ്ടായ 6013 മെഗാവാട്ടായി ഉയര്ന്നത് കെഎസ്ഇബിക്ക് വലിയ വെല്ലുവിളിയായി മാറിയിരിക്കുകയാണ്.പ്രതിസന്ധിക്ക് പിന്നിലെ കാരണങ്ങള്.
ചൂട് സഹിക്കാനാവാതെ എസി, ഫാന് എന്നിവയുടെ ഉപയോഗം കുത്തനെ വര്ധിച്ചു. എല്പിജി ലഭ്യത കുറഞ്ഞതോടെ ഇന്ഡക്ഷന് കുക്കറുകളെയും മറ്റ് ഇലക്ട്രിക് ഉപകരണങ്ങളെയും ആശ്രയിക്കുന്നത് വര്ധിച്ചു. സംസ്ഥാനത്തെ ഡാമുകളില് നിലവില് സംഭരണശേഷിയുടെ 37 ശതമാനം വെള്ളം മാത്രമേയുള്ളൂ. വേനല്മഴയുടെ കുറവ് ആഭ്യന്തര ഉല്പാദനത്തെ സാരമായി ബാധിച്ചു. വൈദ്യുതി ശൃംഖലയുടെ പരമാവധി പ്രസരണ ശേഷി 6300 മെഗാവാട്ടാണ്. നിലവിലെ ആവശ്യകത 6000 കടന്ന പശ്ചാത്തലത്തില്, ഇത് 6300-ല് എത്തിയാല് ലോഡ് ഷെഡിങ് അനിവാര്യമാകും. രാത്രികാലങ്ങളില് ഉപയോഗം നിയന്ത്രിച്ചില്ലെങ്കില് 10 മുതല് 15 മിനിറ്റ് വരെ ഫീഡറുകള് ഓഫ് ചെയ്ത് വൈദ്യുതി നിയന്ത്രണം ഏര്പ്പെടുത്താനാണ് കെഎസ്ഇബി ആലോചിക്കുന്നത്.
അമിതഭാരം മൂലം വടക്കന് കേരളത്തില് പലയിടത്തും ട്രാന്സ്ഫോര്മറുകള് തകരാറിലാകുന്നതും ആശങ്ക വര്ധിപ്പിക്കുന്നു. പുറത്തുനിന്ന് വന്വിലയ്ക്ക് വൈദ്യുതി വാങ്ങേണ്ടി വരുന്നതിനാല് വരും മാസങ്ങളില് ഇന്ധന സര്ചാര്ജ് വര്ധിക്കാന് സാധ്യതയുണ്ട്. യൂണിറ്റിന് 10 പൈസയെങ്കിലും വര്ധനവുണ്ടായേക്കാം. ഈ സാഹചര്യത്തില് ബില്ല് ലാഭിക്കാന് ഉപഭോക്താക്കള്ക്ക് ചില കാര്യങ്ങളില് ശ്രദ്ധിക്കേണ്ടതുണ്ട്. വൈകിട്ട് 6 – രാത്രി 10 വരെ 25% അധികം കറന്റ് ഉപയോഗിക്കേണ്ടി വരുന്നുണ്ട്. അതിനാല് തന്നെ ഈ സമയം എസി, ഇന്ഡക്ഷന് കുക്കര് തുടങ്ങിയവയുടെ ഉപയോഗം പരമാവധി കുറയ്ക്കുക. രാത്രി 10 – രാവിലെ 6 വരെ സാധാരണ നിരക്കാണ്.
ഈ സമയം അത്യന്താപേക്ഷിതമായ ആവശ്യങ്ങള്ക്കായി ഉപയോഗിക്കുക. രാവിലെ 6 – വൈകിട്ട് 6 10% കുറവ് ആയിരിക്കും. ഈ സമയം പാചകം, മറ്റ് ഉയര്ന്ന വൈദ്യുതി ഉപയോഗമുള്ള ജോലികള് ഈ സമയത്തേക്ക് മാറ്റുക. പ്രതിമാസം 250 യൂണിറ്റില് കൂടുതല് ഉപയോഗിക്കുന്നവര്ക്ക് ‘ടൈം ഓഫ് ഡേ’ താരിഫ് ബാധകമായതിനാല്, രാത്രികാലത്തെ അമിത ഉപയോഗം വലിയ സാമ്പത്തിക ബാധ്യത വരുത്തിവെക്കും. പകല് സമയത്ത് വൈദ്യുതി ഉപയോഗിക്കുന്നത് വഴി ബില്ലില് 10 ശതമാനം വരെ ലാഭം നേടാന് സാധിക്കും.
