കോട്ടയം: കുഞ്ഞിന്റെ ഡയപ്പർ കത്തിക്കാൻ ശ്രമിക്കുന്നതിന്ടെ പൊള്ളലേറ്റ് ചികിത്സയിലായിരുന്ന യുവതി അന്തരിച്ചു. ളാക്കട്ടൂർ ആനക്കല്ലുങ്കൽ ജോമോൾ സെബാസ്റ്റ്യൻ (26) ആണ് മരിച്ചത്. കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ വ്യാഴാഴ്ചയായിരുന്നു അന്ത്യം.
കഴിഞ്ഞ 21-ാം തീയതി രാവിലെ 11.30-ഓടെയാണ് ദാരുണമായ സംഭവം നടന്നത്. കുഞ്ഞിന്റെ ഡയപ്പർ കത്തിക്കുന്നതിനായി ഗ്യാസ് അടുപ്പിൽ നിന്നും പേപ്പറിൽ തീ പകരുന്നതിനിടെ ജോമോൾ ധരിച്ചിരുന്ന നൈറ്റിയിൽ തീ പടരുകയായിരുന്നു. ഗുരുതരമായി പൊള്ളലേറ്റ ജോമോളെ ഉടൻ തന്നെ മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. എബിസൺ ആണ് ജോമോളുടെ ഭർത്താവ്. ഇവാനിയ ഏകമകളാണ്.
സംസ്കാര ചടങ്ങുകൾ ഇന്ന് വൈകിട്ട് മൂന്ന് മണിക്ക് പങ്ങട തിരുഹൃദയ ദേവാലയ സെമിത്തേരിയിൽ നടക്കും.
