കൊച്ചി : 49-ാമത് കേരള ഫിലിം ക്രിട്ടിക്സ് അവാര്‍ഡ് പ്രഖ്യാപിച്ചു. ‘തുടരും’, ‘ഹൃദയപൂര്‍വം’ എന്നീ ചിത്രങ്ങളിലെ അഭിനയത്തിന് മോഹന്‍ലാലിനെ മികച്ച നടനായി തിരഞ്ഞെടുത്തു. കല്യാണി പ്രിയദര്‍ശന്‍ (ചിത്രം: ലോക: ചാപ്റ്റര്‍ വണ്‍ ചന്ദ്ര), അനശ്വര രാജന്‍ (ചിത്രം: രേഖാചിത്രം, മിസ്റ്റര്‍ ആന്‍ഡ് മിസിസ് ബാച്ചിലര്‍) എന്നിവര്‍ മികച്ച നടിക്കുള്ള പുരസ്‌കാരം പങ്കിട്ടു. ദിന്‍ജിത് അയ്യത്താന്‍ സംവിധാനം ചെയ്ത ‘എക്കോ’ ആണ് മികച്ച ചിത്രം.
രാജേഷ് തില്ലങ്കരി എ പ്രെഗ്‌നന്റ് വിഡോ എന്ന ചിത്രത്തിലൂടെ മികച്ച തിരക്കഥയ്‌ക്കുള്ള പുരസ്‌കാരത്തിന് അര്‍ഹനായി. 60 ചിത്രങ്ങളാണ് ഇത്തവണ പുരസ്‌കാരത്തിന് അപേക്ഷിച്ചത്.
ഫിലിം ക്രിട്ടിക്സ് അവാര്‍ഡ് 2025
മികച്ച രണ്ടാമത്തെ ചിത്രം: രേഖചിത്രം (സംവിധാനം ജോഫിന്‍ ടി. ചാക്കോ, നിര്‍മ്മാണം വേണു കുന്നപ്പിള്ളി)
മികച്ച രണ്ടാമത്തെ നടന്‍: പ്രകാശ് വര്‍മ്മ (തുടരും), ദിലീഷ് പോത്തന്‍ (റൗണ്ട്)
മികച്ച രണ്ടാമത്തെ നടി: ഹണി റോസ് (റേച്ചല്‍), ശുഭ വയനാട് (ശാന്തി ഡി’ സത്യത്തിന്റെ പ്രതിഫലനം)
മികച്ച കഥ: ജി.ആര്‍. ഇന്ദുഗോപന്‍ (പൊന്‍മാന്‍)
മികച്ച സംഗീത സംവിധായകന്‍: ജേക്‌സ് ബിജോയ് (നരിവേട്ട, ലോക ചാപ്റ്റര്‍ 1: ചന്ദ്ര)
മികച്ച ഗാനരചയിതാവ്: മഹേഷ് ഗോപാല്‍ (മിസ്റ്റര്‍ ആന്‍ഡ് മിസിസ് ബാച്ചിലര്‍), മുരളി നീലാംബരി (വടു)
മികച്ച പിന്നണി ഗായകന്‍: നവനീത് ഉണ്ണികൃഷ്ണന്‍ (ഹൃദയപൂര്‍വം എന്ന ചിത്രത്തിലെ വിടപാരായണം)
പ്രത്യേക ജൂറി അവാര്‍ഡ്: ഡോ. മനോജ് ഗോവിന്ദന്‍ (പെരിയോന്‍), സംഗീത് പ്രതാപ് (ഹൃദയപൂര്‍വം), സന്ദീപ് പ്രദീപ് (ഇക്കോ), ട്വിങ്കിള്‍ ജോബി (ഗര്‍ഭിണിയായ വിധവ), മീനാക്ഷി (സ്വകാര്യ)
മികച്ച ബാലതാരം: ധര്‍മ്മിക് സുധാകരന്‍ (പച്ചതെയ്യം), ദേവാനന്ദ ജിബിന്‍ (കല്യാണമരം)
ചലച്ചിത്ര പ്രതിഭാ പുരസ്‌കാരം: ടി ജി രവി (നടന്‍/നിര്‍മ്മാതാവ്), ഇന്ദ്രന്‍സ് (നടന്‍)
കൈതപ്രം ദാമോദരന്‍ നമ്പൂതിരി (ഗാനരചയിതാവ്, തിരക്കഥാകൃത്ത്/നടന്‍), കല്ലിയൂര്‍ ശശി (നിര്‍മ്മാതാവ്/പ്രൊഡക്ഷന്‍ കണ്‍ട്രോളര്‍)
ഊര്‍മ്മിള ഉണ്ണി (നടി)
ബി.അരുന്ധതി (ഗായിക).
