തിരുവനന്തപുരം: കോൺഗ്രസിനുള്ളിൽ മുഖ്യമന്ത്രി സ്ഥാനത്തെ ചൊല്ലിയുള്ള ചക്കളത്തി പോരാട്ടം തുടരുന്നതിനിടെ, തർക്കം തെരുവിലേക്ക് വ്യാപിക്കുന്നു. ഏറ്റവുമൊടുവിൽ കെസി വേണുഗോപാൽ അനുകൂല ഫ്ലക്സിൽ കരി ഓയിൽ ഒഴിച്ചു. കെപിസിസിക്ക് മുന്നിൽ സ്ഥാപിച്ച ബോർഡിലാണ് കരിഓയിൽ ഒഴിച്ചത്.
‘WE WANT KC… Warm Welcome LEADER’ എന്നെഴുതിയ ബോർഡാണ് വികൃതമാക്കിയത്. സംഭവം കോൺഗ്രസ് നേതൃത്വത്തെ പ്രതിരോധത്തിലാക്കിയിട്ടുണ്ട്.
കോൺഗ്രസിലെ ഗ്രൂപ്പ് പോര് ഫ്ലക്സ് യുദ്ധത്തിൽ നിന്നും പരസ്യമായ പ്രതിഷേധ പ്രകടനങ്ങളിലേക്ക് മാറുകയാണ്. വി ഡി സതീശനെ മുഖ്യമന്ത്രിയാക്കണമെന്നാവശ്യപ്പെട്ട് തിരുവനന്തപുരം ഉൾപ്പെടെയുള്ള നഗരങ്ങളിൽ ഇന്നും സതീശൻ അനുകൂലികൾ പ്രതിഷേധ പ്രകടനങ്ങൾ നടത്തും എന്ന് റിപ്പോർട്ടുണ്ട്.
നഗരത്തിന്റെ പ്രധാന ഭാഗങ്ങളിൽ മൂന്നു നേതാക്കളെയും അനുകൂലിച്ച് വീണ്ടും ഫ്ലക്സ് ബോർഡുകൾ ഉയർന്നിട്ടുണ്ട്.
