തിരുവനന്തപുരം: കഴക്കൂട്ടം സൈനിക് സ്കൂളിലെ അടിസ്ഥാന സൗകര്യ വികസനവുമായി ബന്ധപ്പെട്ട് നിയുക്ത കഴക്കൂട്ടം എംഎൽഎ വി. മുരളീധരൻ കേന്ദ്ര പ്രതിരോധ സഹമന്ത്രി സഞ്ജയ് സേത്തുമായി കൂടിക്കാഴ്ച നടത്തി. ഗവർണറുടെ ഔദ്യോഗിക വസതിയായ ലോകഭവനിൽ വെച്ചായിരുന്നു കൂടിക്കാഴ്ച.
കഴക്കൂട്ടം സൈനിക് സ്കൂളിലെ നിരവധി വിഷയങ്ങൾ കൂടിക്കാഴ്ചയിൽ ചർച്ചയായി. സ്കൂൾ റോഡുകളുടെ നവീകരണം, ഹോസ്റ്റൽ സൗകര്യങ്ങൾ വർധിപ്പിക്കൽ, സിസിടിവി സംവിധാനങ്ങളുടെ വിപുലീകരണം, ചുറ്റുമതിൽ പുനർനിർമാണം തുടങ്ങി വിവിധ ആവശ്യങ്ങൾ അനുഭാവപൂർവം പരിഗണിക്കുമെന്ന് പ്രതിരോധ സഹമന്ത്രി വി. മുരളീധരന് ഉറപ്പ് നൽകി.
