പുതുച്ചേരി: നിയമസഭാ തിരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ പുതുച്ചേരിയിൽ എൻ.ഡി.എ സർക്കാർ ഇന്ന് അധികാരമേൽക്കുന്നു. എ.ഐ.എൻ.ആർ.സി അധ്യക്ഷൻ എൻ. രംഗസ്വാമി മുഖ്യമന്ത്രിയായി ഇന്ന് സത്യപ്രതിജ്ഞ ചെയ്യും. രാജ്നിവാസിൽ (ലോക് നിവാസ്) വെച്ച് രാവിലെ 9.47-ന് നടക്കുന്ന ചടങ്ങിൽ ലഫ്റ്റനന്റ് ഗവർണർ കുനിയിൽ കൈലാഷ്നാഥൻ സത്യവാചകം ചൊല്ലിക്കൊടുക്കും.
ബംഗാൾ, അസം തിരഞ്ഞെടുപ്പുകൾക്ക് ശേഷം രാജ്യം ഉറ്റുനോക്കുന്ന ഏറ്റവും പ്രധാനപ്പെട്ട സത്യപ്രതിജ്ഞാ ചടങ്ങാണിത്. മുപ്പതംഗ നിയമസഭയിൽ 18-ഓളം സീറ്റുകൾ നേടി ബി.ജെ.പി ഉൾപ്പെടുന്ന എൻ.ഡി.എ സഖ്യം. സഖ്യകക്ഷിയായ ബി.ജെ.പിയുടെ പിന്തുണയോടെ എൻ. രംഗസ്വാമിയുടെ നേതൃത്വത്തിലുള്ള മന്ത്രിസഭയാണ് അധികാരത്തിൽ വരുന്നത്.
ഇത് അഞ്ചാം തവണയാണ് എൻ. രംഗസ്വാമി പുതുച്ചേരിയുടെ മുഖ്യമന്ത്രി പദവിയിൽ എത്തുന്നത്. ജനങ്ങൾക്കിടയിൽ ലളിതമായ ജീവിതശൈലിയിലൂടെ ശ്രദ്ധേയനായ അദ്ദേഹം, ‘ലാളിത്യത്തിന്റെ മൂർത്തിരൂപം’ എന്നാണ് അറിയപ്പെടുന്നത്. പുതുച്ചേരിയുടെ വികസന കുതിപ്പിന് പുതിയ സർക്കാർ വേഗത പകരുമെന്ന പ്രതീക്ഷയിലാണ് പൊതുജനങ്ങൾ.
