‘വിദേശയാത്രയ്‌ക്ക് നികുതി’; സത്യത്തിന്റെ ഒരു കണിക പോലുമില്ല, വാർത്ത തള്ളി പ്രധാനമന്ത്രി നരേന്ദ്രമോദി; റിപ്പോർട്ട് പിൻവലിച്ച് മാപ്പ് പറഞ്ഞ് മാദ്ധ്യമങ്ങൾ

ന്യൂഡൽഹി: വിദേശയാത്രയ്‌ക്ക് നികുതിയെന്ന വാർത്ത തള്ളി പ്രധാനമന്ത്രി നരേന്ദ്രമോദി. വാർത്ത പൂർണ്ണമായും തെറ്റെന്നാണെന്ന് അദ്ദേഹം എക്സിൽ വ്യക്തമാക്കി. സത്യത്തിന്റെ ഒരു കണിക പോലും റിപ്പോർട്ടിൽ ഇല്ലെന്നും യാത്രാ നിയന്ത്രണങ്ങളെക്കുറിച്ച് ആലോചിക്കുന്നില്ലെന്നും ​ജനങ്ങളുടെ ജീവിതം സുഗമമാക്കുന്നതിനാണ് സർക്കാർ മുൻഗണന നൽകുന്നതെന്നും പ്രധാനമന്ത്രി പറഞ്ഞു.

This is totally false.

Not an iota of truth in this.

There is no question of putting such restrictions on foreign travel.

We remain committed to improving ‘Ease of Doing Business’ and ‘Ease of Living’ for our people. https://t.co/9lxjbxz0nV

— Narendra Modi (@narendramodi) May 15, 2026

പശ്ചിമേഷ്യൻ സംഘർഷത്തിന്റെ പശ്ചാത്തലത്തിൽ, ക്രൂഡ് ഓയിൽ വില വർദ്ധിച്ചുവരുന്ന സാഹചര്യത്തിൽ, സാമ്പത്തിക സമ്മർദ്ദം ലഘൂകരിക്കുന്നതിന് വിദേശ യാത്രകൾക്ക് താൽക്കാലിക നികുതി ചുമത്താൻ കേന്ദ്രം ആലോചിക്കുന്നുണ്ടെന്ന ചില മാദ്ധ്യമ റിപ്പോർട്ടുകൾക്ക് പിന്നാലെയാണ് പ്രധാനമന്ത്രി നേരിട്ട് വ്യക്തത വരുത്തിയത്. അതേസമയം, പ്രധാനമന്ത്രിയുടെ പോസ്റ്റിന് പിന്നാലെ മാദ്ധ്യമങ്ങൾ വാർത്ത പിൻവലിച്ച് ക്ഷമാപണം നടത്തി.