കൊല്ലം: ആര്‍എസ്എസ് ശതാബ്ദിയോടനുബന്ധിച്ച് വിശ്വ സംവാദ കേന്ദ്രം തയാറാക്കിയ ഹ്രസ്വ ചിത്രം ‘സംഘ’ത്തിന്റെ റിലീസിങ് കര്‍മം അഖില ഭാരതീയ പ്രചാര്‍പ്രമുഖ് സുനില്‍ ആംബേക്കര്‍ നിര്‍വഹിച്ചു. ചിന്നക്കട നാണി ഹോട്ടല്‍ ഓഡിറ്റോറിയത്തില്‍ സംഘശതാബ്ദി വൈചാരിക സഭയുടെ ഭാഗമായിട്ടായിരുന്നു ആദ്യ പ്രദര്‍ശനം.
ആര്‍എസ്എസ് ചരിത്രവും കേരളത്തിലെ മുന്നേറ്റവും പ്രതിപാദിക്കുന്ന ചിത്രത്തിന്റെ സംവിധായകന്‍ മാധ്യമപ്രവര്‍ത്തകന്‍ കൂടിയായ ശ്രീജിത്ത് നരിപ്പറ്റയാണ്. ലിയോ ദേവസിയാണ് ക്രിയേറ്റീവ് ഡയറക്ടര്‍. സെവന്‍ത് ഫാം പ്രൊഡക്ഷന്‍സാണ് ആവിഷ്‌കാരം നിര്‍വഹിച്ചത്. ബിജു തേവര, അഭിലാഷ്, അഞ്ജന വിവേക്, എം. സതീശന്‍, അഥര്‍വ് വാസു തുടങ്ങിയവരാണ് മറ്റ് അണിയറ പ്രവര്‍ത്തകര്‍.
പ്രകാശനച്ചടങ്ങില്‍ ആര്‍എസ്എസ് ദക്ഷിണ കേരളം പ്രാന്ത പ്രചാരക് എസ്. സുദര്‍ശനന്‍, പ്രചാര്‍ പ്രമുഖ് എം. ഗണേശന്‍, സമ്പര്‍ക്ക പ്രമുഖ് സി.സി. ശെല്‍വന്‍, വ്യവസ്ഥാ പ്രമുഖ് രാജന്‍ കരൂര്‍, കൊല്ലം മഹാനഗര്‍ സഹ സംഘചാലക് ഡോ. ജി. മോഹന്‍ തുടങ്ങിയവര്‍ പങ്കെടുത്തു
