കോഴിക്കോട്: പതിനാലുകാരിയായ വിദ്യാർത്ഥിനിക്ക് നേരെ ലൈംഗികാതിക്രമം നടത്തിയ മദ്രസ അധ്യാപകന് അറസ്റ്റില്. കോഴിക്കോട് പുതുപ്പാടി കൈതപ്പൊയില് സ്വദേശി കാരാട്ടുപൊയില് കെ പി മുഹമ്മദ് ഷെരീഫിനെ (27) കൊടുവള്ളി പൊലീസാണ് അറസ്റ്റ് ചെയ്തത്.
ജില്ലാ ശിശുസംരക്ഷണ ഓഫീസറില് നിന്നും ലഭിച്ച പരാതിയുടെ അടിസ്ഥാനത്തിലാണ് കൊടുവള്ളി പൊലീസ് കേസെടുത്തത്. കഴിഞ്ഞ വർഷം സെപ്റ്റംബറിലാണ് കേസിന് ആസ്പദമായ സംഭവം നടന്നത്. പോക്സോ വകുപ്പ് ചുമത്തി അറസ്റ്റു ചെയ്ത ഷെരീഫിനെ താമരശ്ശേരി കോടതിയില് ഹാജരാക്കി റിമാന്റ് ചെയ്തു.
