കോഴിക്കോട്: വടകരയിൽ കോൺഗ്രസ് നേതാവിന്റെ വീട്ടിൽ വയോധികൻ ആത്മഹത്യ ചെയ്യാൻ ശ്രമിച്ചു. തിരുവള്ളൂർ സ്വദേശിയായ ചിരികണ്ടോത്ത് ഇബ്രാഹീം (71) ആണ് പെട്രോളൊഴിച്ച് തീക്കൊളുത്തി ജീവനൊടുക്കാൻ ശ്രമിച്ചത്. കോഴിക്കോട് ഡി.സി.സി സെക്രട്ടറി സുധീർ കുമാറിന്റെ വീട്ടിലാണ് സംഭവം.
ഇബ്രാഹീമിന് 60 ശതമാനം പൊള്ളലേറ്റു. ഇരുവരും തമ്മിൽ സാമ്പത്തിക ഇടപാട് ഉണ്ടായിരുന്നതായി സൂചനയുണ്ട്. പൊള്ളലേറ്റ വയോധികനെ കോഴിക്കോട് മെഡിക്കൽ കോളേജിലേക്ക് മാറ്റി.
