മംഗളൂരു: മഴക്കാലത്ത് സുരക്ഷിതമായ ട്രെയിന് ഗതാഗതം ഉറപ്പാക്കുന്നതിനായി കൊങ്കണ് റെയില്വേ പാതയില് പുതിയ സമയക്രമം പ്രഖ്യാപിച്ചു. ജൂണ് 15 മുതലാണ് പരിഷ്കരിച്ച ടൈംടേബിള് നിലവില് വരുന്നത്. കൊങ്കണ് വഴി സര്വീസ് നടത്തുന്ന 38 ജോഡി ട്രെയിനുകളുടെ സമയത്തിലാണ് മാറ്റം വരുത്തിയിരിക്കുന്നത്.
പ്രതികൂല കാലാവസ്ഥയില് യാത്രക്കാരുടെ സുരക്ഷ മുന്നിര്ത്തി ട്രെയിനുകളുടെ വേഗത റെയില്വേ ഗണ്യമായി കുറച്ചിട്ടുണ്ട്. സാധാരണയായി മണിക്കൂറില് 110 മുതല് 120 കിലോമീറ്റര് വേഗതയില് സഞ്ചരിക്കുന്ന ട്രെയിനുകള് മണ്സൂണ് സമയത്ത് 40 മുതല് 75 കിലോമീറ്റര് വേഗതയിലായിരിക്കും സര്വീസ് നടത്തുക. വേഗത കുറയുന്നതോടെ കേരളത്തില് നിന്ന് കൊങ്കണ് വഴി പോകുന്ന ട്രെയിനുകള് നിശ്ചിത സമയത്തിലും നേരത്തെ പുറപ്പെടും. എന്നാല് കൊങ്കണ് പാത വഴി കേരളത്തിലേക്ക് വരുന്ന ട്രെയിനുകള് സാധാരണ സമയത്തേക്കാള് വൈകിയോടും.
കോഴിക്കോട് വഴി കടന്നുപോകുന്ന എറണാകുളം-നിസാമുദ്ദീന് മംഗള ലക്ഷദ്വീപ് എക്സ്പ്രസ്സ്, തിരുവനന്തപുരം-ലോക്മാന്യതിലക് നേത്രാവതി എക്സ്പ്രസ്സ് തുടങ്ങിയ പ്രമുഖ ദീര്ഘദൂര ട്രെയിനുകളുടെ സമയക്രമത്തിലും ഈ മാറ്റം പ്രതിഫലിക്കും.
മാറ്റം വരുത്തിയ പ്രധാന ട്രെയിനുകളും പുറപ്പെടുന്ന സമയവും:
എറണാകുളം പുണെ സൂപ്പര്ഫാസ്റ്റ് എക്സ്പ്രസ് (22149) : 02.15
എറണാകുളം ഹസ്റത്ത് നിസാമുദ്ധീന് സൂപ്പര്ഫാസ്റ്റ് എക്സ്പ്രസ് (22655) : 02.15
മഡ്ഗാവ് മംഗളൂരു സെന്ട്രല് മെമു എക്സ്പ്രസ് (10107) : 04.40
കൊച്ചുവേളി അമൃതസര് സൂപ്പര്ഫാസ്റ്റ് എക്സ്പ്രസ് (12483) : 04.50
തിരുനെല്വേലി ഹാപ്പ എക്സ്പ്രസ് (19577) : 05.15
തിരുനെല്വേലി ഗാന്ധിധാം ബിജി ഹംസഫര് എക്സ്പ്രസ് (20923) : 05.15
കൊച്ചുവേളി ലോക്മാന്യ തിലക് ടെര്മിനസ് ഗരീബ് രഥ് എക്സ്പ്രസ് (12202) : 07.45
കൊച്ചുവേളി ഇന്ഡോര് സൂപ്പര്ഫാസ്റ്റ് എക്സ്പ്രസ് (20931) : 09.10
കൊച്ചുവേളി പോര്ബന്ദര് സൂപ്പര്ഫാസ്റ്റ് എക്സ്പ്രസ് (20909) : 09.10
എറണാകുളം ഹസ്റത്ത് നിസാമുദ്ധീന് മംഗളദ്വീപ് എക്സ്പ്രസ് (12617) : 10.30
മംഗളൂരു ലോക്മാന്യ തിലക് ടെര്മിനസ് മത്സ്യഗന്ധ എക്സ്പ്രസ് (12620) : 12.45
എറണാകുളം മഡ്ഗാവ് സൂപ്പര്ഫാസ്റ്റ് എക്സ്പ്രസ് (10216) : 13.25
കോയമ്പത്തൂര് ഹിസാര് എസി എക്സ്പ്രസ് (22476) : 13.30
തിരുവനന്തപുരം സെന്ട്രല് ഹസ്രത്ത് നിസാമുദ്ദീന് രാജധാനി എക്സ്പ്രസ് (12431) : 14.40
മഡ്ഗാവ് മംഗളൂരു സെന്ട്രല് സ്പെഷ്യല് (06601) : 15.00
മംഗളൂരു ജങ്ഷന് മുംബൈ സിഎസ്ടി സൂപ്പര്ഫാസ്റ്റ് എക്സ്പ്രസ് (12134) : 16.35
മഡ്ഗാവ് മംഗളൂരു സെന്ട്രല് വന്ദേ ഭാരത് (20645) : 17.35
എറണാകുളം അജ്മീര് മരുസാഗര് സൂപ്പര്ഫാസ്റ്റ് എക്സ്പ്രസ് (12977) : 18.50
മഡ്ഗാവ് എറണാകുളം എക്സ്പ്രസ് (10215) : 21.00
തിരുവനന്തപുരം സെന്ട്രല് ഹസ്രത്ത് നിസാമുദ്ദീന് സൂപ്പര്ഫാസ്റ്റ് എക്സ്പ്രസ് (22653) : 22.00 (വെള്ളി)
