പാലക്കാട്: വയറുവേദന ചികിത്സിക്കാൻ പോയ യുവതിയുടെ കാൽ തളർന്ന സംഭവം മെഡിക്കൽ റിപ്പോർട്ട് പുറത്തുവന്നു. കുത്തിവെപ്പിനെ തുടർന്നാണ് കാലിന് തളർച്ച ഉണ്ടായത് എന്നാണ് മെഡിക്കൽ റിപ്പോർട്ടിൽ വ്യക്തമാക്കുന്നുണ്ട്.
കുഴൽമന്ദം കുളവൻമുക്ക് സ്വദേശി അലിമയുടെ കാലിനാണ് തളർച്ച സംഭവിച്ചത്. കുഴൽമന്ദം സാമൂഹിക ആരോഗ്യ കേന്ദ്രത്തിൽ വയറുവേദന ചികിത്സിക്കാൻ പോയപ്പോഴാണ് യുവതിക്ക് കുത്തിവെപ്പ് നൽകിയത്. തുടർന്ന് ഇടതുകാല് തളരുകയായിരുന്നു.
സംഭവത്തിൽ ഭർത്താവ് ഫിറോസ് ജില്ലാ മെഡിക്കൽ ഓഫീസർക്കും കുഴൽമന്തം പോലീസിലും പരാതി നൽകിയിരുന്നു. തുടർന്ന് ഡിഎംഒ മെഡിക്കൽ കമ്മിറ്റി രൂപീകരിച്ച് പരാതി പരിശോധിക്കുകയായിരുന്നു.
കുത്തിവെപ്പിനെ തുടർന്ന് അത്യപൂർവമായി സംഭവിക്കുന്ന സങ്കീർണതകൾ ഉണ്ടായിട്ടുണ്ട് എന്നാണ് മെഡിക്കൽ ബോർഡിന്റെ കണ്ടത്തിൽ. മെഡിക്കൽ റിപ്പോർട്ട് തുടർനടപടികൾക്കായി ആരോഗ്യ വകുപ്പ് ഡയറക്ടർക്ക് സമർപ്പിച്ചു
