ന്യൂഡൽഹി: പാക് അധിനിവേശ ജമ്മു കശ്മീരിലെ ഗിൽജിത് ബാൾട്ടിസ്ഥാനിൽ തെരഞ്ഞെടുപ്പ് നടത്താനുള്ള പാക് നീക്കത്തിൽ ശക്തമായ പ്രതിഷേധം രേഖപ്പെടുത്തി ഭാരതം. പാക് അധിനിവേശ ജമ്മു കശ്മീരിലെ ഗിൽജിത് ബാൾട്ടിസ്ഥാൻ അവിഭാജ്യ ഭാഗമെന്ന് ഭാരതം ആവർത്തിച്ചു. അനധികൃതമായി അധിനിവേശം ചെയ്ത പ്രദേശം ഒഴിഞ്ഞ് പോകണമെന്ന് പാക്കിസ്ഥാന് വിദേശ കാര്യമന്ത്രാലയം മുന്നറിയിപ്പ് നൽകി.
പാക് അധിനിവേശ കശ്മീരിലെ ഗുരുതരമായ മനുഷ്യാവകാശ ലംഘനങ്ങൾ , രാഷ്ട്രീയ അടിച്ചമർത്തലുകൾ, സാമ്പത്തിക ചൂഷണം, സ്വാതന്ത്ര്യം നിഷേധിക്കൽ തുടങ്ങിയ അടിസ്ഥാന പ്രശ്നങ്ങളെ മറയ്ക്കാൻ പാക്കിസ്ഥാന്റെ ഇത്തരം ശ്രമങ്ങൾക്ക് കഴിയില്ലെന്ന് വിദേശകാര്യമന്ത്രാലയം വ്യക്തമാക്കി.
പാകിസ്താൻ അനധികൃതമായും ബലപ്രയോഗത്തിലൂടെയും പിടിച്ചെടുത്ത ഇന്ത്യൻ പ്രദേശമാണ് ഗിൽജിത്-ബാൾട്ടിസ്ഥാൻ. ജൂൺ 7 നാണ് ഗിൽജിത്-ബാൾട്ടിസ്ഥാൻ അസംബ്ലി’ എന്ന പേരിൽ തെരഞ്ഞെടുപ്പ് നടത്താൻ നീക്കം നടക്കുന്നത്.
