തിരുവനന്തപുരം: നേമം (തിരുവനന്തപുരം സൗത്ത്) റെയില്വേ ടെര്മിനല് പദ്ധതി അതിവേഗം യാഥാര്ത്ഥ്യമാക്കാന് അടിയന്തര ഇടപെടല് നടത്തിയ പ്രധാനമന്ത്രി നരേന്ദ്ര മോദിക്കും കേന്ദ്ര റെയില്വേ മന്ത്രി അശ്വിനി വൈഷ്ണവിനും നന്ദി രേഖപ്പെടുത്തി നേമം എം.എല്.എ രാജീവ് ചന്ദ്രശേഖര്. പദ്ധതിയുടെ മാസ്റ്റര് പ്ലാന് പുനഃപരിശോധിക്കാനും രണ്ടും മൂന്നും ഘട്ടങ്ങള് ഒരുമിച്ച് നടപ്പിലാക്കാനുമുള്ള റെയില്വേ മന്ത്രാലയത്തിന്റെ തീരുമാനം നേമത്തെയും തിരുവനന്തപുരത്തെയും ജനങ്ങള്ക്ക് വലിയ സന്തോഷം നല്കുന്നതാണെന്ന് അദ്ദേഹം ഫേസ്ബുക്കില് കുറിച്ചു.
തുടക്കത്തില് തയ്യാറാക്കിയ മാസ്റ്റര് പ്ലാനില് വന്ന ചില മാറ്റങ്ങള് കാരണം പദ്ധതിയുടെ രണ്ടും മൂന്നും ഘട്ടങ്ങള് വര്ഷങ്ങളോളം വൈകുന്ന സാഹചര്യമുണ്ടായിരുന്നു. ഈ വിഷയം ചര്ച്ച ചെയ്യുന്നതിനായി റെയില്വേ പാസഞ്ചര് അമിനിറ്റീസ് കമ്മിറ്റി മുന് ചെയര്മാന് പി.കെ. കൃഷ്ണദാസിനൊപ്പം രാജീവ് ചന്ദ്രശേഖര് അടുത്തിടെ റെയില്വേ മന്ത്രി അശ്വിനി വൈഷ്ണവിനെ കണ്ടിരുന്നു. ഇതിന് പിന്നാലെയാണ് പദ്ധതി വേഗത്തിലാക്കാന് കേന്ദ്ര സര്ക്കാര് തീരുമാനിച്ചത്.
അഞ്ച് പിറ്റ് ലൈനുകളും പത്ത് സ്റ്റേബ്ലിംഗ് ലൈനുകളുമുള്ള ഈ ബൃഹദ് പദ്ധതി തിരുവനന്തപുരത്തിന്റെ റെയില്വേ വികസനത്തില് വലിയൊരു വഴിത്തിരിവാകുമെന്നും, വികസിത നേമം, വികസിത കേരളം എന്നീ ലക്ഷ്യങ്ങളിലേക്കുള്ള സുപ്രധാന ചുവടുവെപ്പാണിതെന്നും അദ്ദേഹം കൂട്ടിച്ചേര്ത്തു.
ഫേസ്ബുക്ക് പോസ്റ്റ്:
നേമത്തെയും തിരുവനന്തപുരത്തെയും ജനങ്ങള്ക്ക് ഒരു സന്തോഷവാര്ത്ത!
എന്റെ അഭ്യര്ത്ഥന പരിഗണിക്കുകയും, നേമം (തിരുവനന്തപുരം സൗത്ത്) ടെര്മിനല് പദ്ധതി വേഗത്തിലാക്കാന് ഉടനടി നടപടി സ്വീകരിക്കുകയും ചെയ്ത പ്രധാനമന്ത്രി ശ്രീ Narendra Modi ജിക്കും കേന്ദ്ര റെയില്വേ മന്ത്രി ശ്രീ Ashwini Vaishnaw ജിക്കും ഹൃദയം നിറഞ്ഞ നന്ദി.
ടെര്മിനലിനായി ആദ്യം തയ്യാറാക്കിയ മാസ്റ്റര് പ്ലാനില് നിര്ഭാഗ്യവശാല് ചില മാറ്റങ്ങളുണ്ടായതിനെ തുടന്ന് പദ്ധതിയുടെ രണ്ടും മൂന്നും ഘട്ടങ്ങള് വര്ഷങ്ങളോളം വൈകുന്ന അവസ്ഥയിലേക്ക് കാര്യങ്ങള് എത്തിയിരുന്നു.
ഈ വിഷയം ചര്ച്ച ചെയ്യുന്നതിനായി റെയില്വേ പാസഞ്ചര് അമിനിറ്റീസ് കമ്മിറ്റി മുന് ചെയര്മാന് ശ്രീ P K Krishnadas ജിക്കൊപ്പം ഞാന് അടുത്തിടെ റെയില്വേ മന്ത്രി അശ്വിനി വൈഷ്ണവ് ജിയെ കണ്ടിരുന്നു.
ഇതേത്തുടര്ന്ന് മാസ്റ്റര് പ്ലാന് പുനഃപരിശോധിക്കാനും, രണ്ടും മൂന്നും ഘട്ടങ്ങള് കൂടി ഒരുമിച്ച് നടപ്പാക്കാനുമുള്ള റെയില്വേ മന്ത്രാലയത്തിന്റെ തീരുമാനം നേമത്തെയും തിരുവനന്തപുരത്തെയും ജനങ്ങളെ സംബന്ധിച്ച് ഏറെ സന്തോഷം പകരുന്ന വാര്ത്തയാണ്.
അഞ്ച് പിറ്റ് ലൈനുകളും പത്ത് സ്റ്റേബ്ലിംഗ് ലൈനുകളുമുള്ള ഈ പദ്ധതി തിരുവനന്തപുരത്തെ റെയില്വേ വികസനത്തില് വലിയൊരു വഴിത്തിരിവാകും. #VikasitaNemom, #VikasitaKeralam എന്നീ ലക്ഷ്യങ്ങളിലേക്കുള്ള സുപ്രധാനമായ ചുവടുവെപ്പ് കൂടിയാണിത്.