മുംബൈ: ‘പൂജ്യം’ ലോകത്തിന് സമ്മാനിച്ച മഹാനായ ഭാരതീയ ഗണിതശാസ്ത്രജ്ഞൻ ആര്യഭടനെ അവഹേളിച്ച ആമസോണിനെതിരെ പ്രതിഷേധം ശക്തമാകുന്നു. ‘സീറോ ഡെലിവറി ഫീ’ ഉൾപ്പെടെയുള്ള ഓഫറുകൾ പ്രചരിപ്പിക്കാൻ ആര്യഭടനെയും അദ്ദേഹത്തിനറെ മഹത്തായ സംഭാവനകളെയും കളിയാക്കി കൊണ്ടുള്ള പരസ്യമാണ് വിവാദമാകുന്നത്.
ഭാരതത്തിന്റെ ശാസ്ത്രപൈതൃകത്തെ അപമാനിക്കുന്നതാണ് പരസ്യമെന്ന് വിമർശകർ ആരോപിക്കുന്നു. സാമൂഹിക മാധ്യമങ്ങളിൽ ആമസോണിനെ ബഹിഷ്കരണമെന്ന് ആഹ്വാനവും ശക്തമാകുകയാണ്. കോമേഴ്സ്യൽ പ്ലാറ്റ്ഫോമിനെതിരെ നിയമനടപടികളും ആരംഭിച്ചിട്ടുണ്ട്.
ആമസോണിന്റെ ‘Amazon Now’ പ്രചാരണത്തിന്റെ ഭാഗമായാണ് വിവാദ പരസ്യം പുറത്തിറക്കിയത്. പരസ്യത്തിൽ ആധുനിക കാലഘട്ടത്തിലെത്തുന്ന ആര്യഭടൻ ‘പൂജ്യം’ അന്വേഷിക്കുന്നതായും തുടർന്ന് പൂജ്യത്തിന് ആധുനിക കാലത്ത് യാതൊരു പ്രസക്തിയില്ലെന്നും തിരിച്ചറിയുന്നു. തുടർന്ന് ആമസോൺ ഓഫറുകളിലെ സീറോ ഡെലിവറി ഫീ’, ‘സീറോ ഹാൻഡ്ലിംഗ് ഫീ’, ‘സീറോ സെർച്ച് ഫീ’ തുടങ്ങിയവ കണ്ട് സന്തോഷിക്കുന്നതുമാണ് പരസ്യത്തിന്റെ ചുരുക്കം. ഇതിനിടെയിൽ വിവദമായ പല രംഗങ്ങളും കാണിക്കുന്നുണ്ട്.
ഇന്ത്യയുടെ ശാസ്ത്ര-ഗണിത പൈതൃകത്തിന്റെ പ്രതീകമായ ആര്യഭടന്റെ സംഭാവനകളെ വ്യാപാരലാഭത്തിനായി ഉപയോഗിച്ചുവെന്നാണ് വിവിധ ഹിന്ദു സംഘടനകളുടെയും സാമൂഹിക മാധ്യമ ഉപയോക്താക്കളുടെയും വിമർശനം. ആമസോൺ പരസ്യം ഉടൻ പിൻവലിക്കണമെന്നും ഖേദം പ്രകടിപ്പിക്കണമെന്ന് ആവശ്യവും ശക്തമായിട്ടുണ്ട്. #BoycottAmazon ഹാഷ്ടാഗ് സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
𝐀𝐦𝐚𝐳𝐨𝐧 𝐈𝐧𝐬𝐮𝐥𝐭𝐬 𝐀𝐫𝐲𝐚𝐛𝐡𝐚𝐭𝐚 #Boycott_Amazon
जिस Aryabhata ने दुनिया को ‘Zero’ का अमूल्य ज्ञान दिया, उसी महान वैज्ञानिक का Amazon India अपने विज्ञापन में कथित रूप से उपहास कर रहा है।
✊ हम इस आपत्तिजनक विज्ञापन को तुरंत हटाने और सार्वजनिक माफ़ी की मांग करते… pic.twitter.com/tyCZ8GWr34
— अखण्ड भारत संकल्प (@Akhand_Bharat_S) June 12, 2026
ഇതിനിടെ, സുപ്രീംകോടതി അഭിഭാഷക അമിത സച്ച്ദേവ ആമസോണിന് നിയമനോട്ടീസ് അയച്ചിട്ടുണ്ട്. പരസ്യം എല്ലാ പ്ലാറ്റ്ഫോമുകളിൽ നിന്നും പിൻവലിക്കണമെന്നും ഭാരതീയ ജനതയോട് നിരുപാധിക മാപ്പ് പറയണമെന്നും നോട്ടീസിൽ ആവശ്യപ്പെടുന്നു. വിഷയത്തിൽ ആമസോണിന്റെ ഔദ്യോഗിക പ്രതികരണം ഇതുവരെ ലഭ്യമായിട്ടില്ല. ചരിത്രപുരുഷന്മാരെയും ദേശീയ പൈതൃകത്തെയും പരസ്യങ്ങളിൽ ഉപയോഗിക്കുന്നതിന്റെ പരിധികളും ഉത്തരവാദിത്തങ്ങളും സംബന്ധിച്ച ചർച്ചകൾക്ക് ഈ സംഭവം വീണ്ടും വഴിവെച്ചിരിക്കുകയാണ്.
