ജയ്പൂര്: രാജസ്ഥാനിലെ ദൗസ ജില്ലയില് ബസും ട്രക്കും കൂട്ടിയിടിച്ചതിനെ തുടര്ന്ന് ബസിന് തീപിടിച്ച് ഏഴ് പേര് ദാരുണമായി മരിച്ചു. അപകടത്തില് 22 പേര്ക്ക് പരിക്കേറ്റതായി അധികൃതര് അറിയിച്ചു. ഡല്ഹി-മുംബൈ എക്സ്പ്രസ് വേയിലായിരുന്നു അപകടം. ഹരിദ്വാറില് നിന്ന് ഇന്ഡോറിലേക്ക് പോവുകയായിരുന്ന സ്വകാര്യ ബസാണ് ട്രക്കുമായി കൂട്ടിയിടിച്ചത്. ഇടിയുടെ ആഘാതത്തില് ബസിന് ഉടന് തീപിടിക്കുകയായിരുന്നു.
സംഭവവിവരമറിഞ്ഞ് അഗ്നിരക്ഷാസേനയും പോലീസും സ്ഥലത്തെത്തി രക്ഷാപ്രവര്ത്തനം നടത്തി. പരിക്കേറ്റവരെ സമീപത്തെ ആശുപത്രികളില് പ്രവേശിപ്പിച്ചിരിക്കുകയാണ്. ഇവരില് ചിലരുടെ നില ഗുരുതരമാണെന്നാണ് റിപ്പോര്ട്ട്. അപകടത്തിന്റെ കാരണം സംബന്ധിച്ച് പോലീസ് അന്വേഷണം ആരംഭിച്ചിട്ടുണ്ട്. ബസ് പൂര്ണമായും കത്തിനശിച്ചതായും അധികൃതര് അറിയിച്ചു.
