കൊച്ചി: ആലുവയിൽ നിന്ന് 12 വയസുകാരിയെ തട്ടിക്കൊണ്ടുപോയ കേസിൽ അന്വേഷണം നിർണായക ഘട്ടത്തിലേക്ക്. പെൺകുട്ടിയെയും ഒപ്പമുണ്ടായിരുന്ന പ്രതി അഭിജിത്തിനെയും പുനെയിൽ നിന്നും അൽപ്പം മുൻപ് കേരളത്തിലെത്തിച്ചു.
ഓച്ചിറ സ്വദേശി അഭിജിത്തിന് ക്രിനിനൽ പശ്ചാത്തലമുണ്ട. നിരവധി ക്രിമിനൽ കേസുകൾ 25കാരനെതിരെയുണ്ട്. 2023-ൽ കൊല്ലം ഓച്ചിറ പൊലീസ് സ്റ്റേഷനിൽ രജിസ്റ്റർ ചെയ്ത ലഹരി കേസിലും ഇയാൾ പ്രതിയാണ്. അഭിജിത്തിനെ സഹായിച്ച ഡൽഹിയിലെ സുഹൃത്തിനെയും പൊലീസ് ഉടൻ ചോദ്യം ചെയ്യും.
ഡൽഹിയിലേക്ക് പോകാൻ നിർദേശിച്ചത് സുഹൃത്ത്
അന്വേഷണത്തിലെ നിർണായക കണ്ണിയായി മാറിയിരിക്കുന്നത് ഡൽഹിയിൽ താമസിക്കുന്ന അഭിജിത്തിന്റെ സുഹൃത്താണ്. പെൺകുട്ടിയുമായി ഡൽഹിയിലേക്ക് വരാൻ അഭിജിത്തിനോട് നിർദേശിച്ചതും താമസത്തിനും മറ്റ് സൗകര്യങ്ങൾക്കും സഹായം വാഗ്ദാനം ചെയ്തതും ഇയാളാണെന്നാണ് അന്വേഷണ സംഘത്തിന്റെ കണ്ടെത്തൽ.
സോഷ്യൽ മീഡിയയിലൂടെ പരിചയം
പെൺകുട്ടിയുമായി അഭിജിത്ത് സാമൂഹിക മാധ്യമങ്ങളിലൂടെയാണ് പരിചയപ്പെട്ടത്. പിന്നീട് ഈ ബന്ധം കൂടുതൽ ശക്തമാവുകയും, പെൺകുട്ടിയെ വീട്ടിൽ നിന്ന് കൂട്ടിക്കൊണ്ടുപോകാനുള്ള പദ്ധതി ആസൂത്രണം ചെയ്യുകയുമായിരുന്നു. സംഭവദിവസം ആലുവയിൽ നിന്ന് കുട്ടിയെ കൂട്ടിക്കൊണ്ടുപോയ പ്രതി ട്രെയിൻ മാർഗമാണ് പുനെയിലെത്തിയത്
