തിരുവനന്തപുരം: സംസ്ഥാനത്ത് ശക്തമായ മഴ തുടരുന്ന സാഹചര്യത്തില് അഞ്ച് ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കളക്ടര്മാര് അവധി പ്രഖ്യാപിച്ചു. കോട്ടയം, കോഴിക്കോട്, മലപ്പുറം, ആലപ്പുഴ, പത്തനംതിട്ട ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. പ്രൊഫഷണല് കോളേജുകള്, മദ്രസകള്, ട്യൂഷന് സെന്ററുകള്, അങ്കണവാടികള് എന്നിവയ്ക്കും അവധി ബാധകമായിരിക്കും.
അതേസമയം, മുന്കൂട്ടി നിശ്ചയിച്ച സര്വകലാശാല, പൊതുപരീക്ഷകള് ഉള്പ്പെടെയുള്ള പരീക്ഷകള്ക്ക് മാറ്റമില്ല. കണ്ണൂര് ജില്ലയില് പയ്യന്നൂര്, തളിപ്പറമ്പ്, ഇരിട്ടി താലൂക്കുകളിലെ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് അവധി പ്രഖ്യാപിച്ചു. എന്നാല് പ്രൊഫഷണല് കോളേജുകള്ക്ക് അവധി ബാധകമല്ല. സര്വകലാശാല/പൊതുപരീക്ഷകള്ക്കും അഭിമുഖങ്ങള്ക്കും മാറ്റമുണ്ടാകില്ല.
വയനാട്, ഇടുക്കി ജില്ലകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്കും ചൊവ്വാഴ്ച അവധി പ്രഖ്യാപിച്ചിട്ടുണ്ട്. അതേസമയം, കനത്ത മഴയുടെ പശ്ചാത്തലത്തില് ജനങ്ങള് അതീവ ജാഗ്രത പാലിക്കണമെന്ന് അധികൃതര് നിര്ദേശിച്ചു. മലയോര മേഖലകളിലേക്കുള്ള രാത്രിയാത്രകളും വിനോദസഞ്ചാര യാത്രകളും പൂര്ണമായും ഒഴിവാക്കണം. ജലനിരപ്പ് പെട്ടെന്ന് ഉയരാന് സാധ്യതയുള്ളതിനാല് പുഴകള്, അരുവികള്, വെള്ളച്ചാട്ടങ്ങള് എന്നിവിടങ്ങളില് കുളിക്കാനോ മീന്പിടിക്കാനോ ഇറങ്ങരുതെന്നും മുന്നറിയിപ്പില് പറയുന്നു.
