ബെംഗളൂരു: ഓണക്കാലത്തെ യാത്രാത്തിരക്ക് പരിഗണിച്ച് ബെംഗളൂരുവില് നിന്ന് കേരളത്തിലേക്ക് പ്രത്യേക ട്രെയിന് സര്വീസ് പ്രഖ്യാപിച്ചു. ബെംഗളൂരു കന്റോണ്മെന്റില് നിന്ന് കണ്ണൂരിലേക്കും തിരിച്ചുമാണ് പ്രത്യേക സര്വീസ് നടത്തുന്നത്. ഓഗസ്റ്റ് 20ന് രാത്രി 10.30ന് ബെംഗളൂരു കന്റോണ്മെന്റില് നിന്ന് പുറപ്പെടുന്ന ട്രെയിന് ഓഗസ്റ്റ് 21ന് ഉച്ചയ്ക്ക് 12.50ന് കണ്ണൂരിലെത്തും. തിരിച്ച് ഓഗസ്റ്റ് 21ന് വൈകിട്ട് 4.10ന് കണ്ണൂരില് നിന്ന് പുറപ്പെടുന്ന ട്രെയിന് ഓഗസ്റ്റ് 22ന് രാവിലെ ആറിന് ബെംഗളൂരു കന്റോണ്മെന്റിലെത്തും.
23 കോച്ചുകളുമായാണ് പ്രത്യേക ട്രെയിന് സര്വീസ് നടത്തുക. പാലക്കാട് വഴിയാണ് ട്രെയിന് കേരളത്തിലേക്ക് എത്തുന്നത്. ബെംഗളൂരു കന്റോണ്മെന്റ്, കൃഷ്ണരാജപുരം, ബംഗാരപേട്ട്, കുപ്പം, സേലം, ഈറോഡ്, തിരുപ്പൂര്, പോഡാനൂര്, പാലക്കാട്, ഷൊര്ണൂര്, തിരൂര്, പരപ്പനങ്ങാടി, കോഴിക്കോട്, വടകര, തലശ്ശേരി, കണ്ണൂര് എന്നിവിടങ്ങളിലാണ് സ്റ്റോപ്പുകള്.
ഓണക്കാലത്ത് ബെംഗളൂരുവില് നിന്ന് കേരളത്തിലേക്ക് എത്തുന്ന യാത്രക്കാര്ക്ക് പ്രത്യേക ട്രെയിന് സര്വീസ് ഏറെ ആശ്വാസമാകും. ഉത്സവകാലത്തെ അധിക യാത്രാത്തിരക്ക് കണക്കിലെടുത്താണ് റെയില്വേയുടെ പ്രത്യേക സര്വീസ്.
