ന്യൂഡൽഹി: കേന്ദ്ര ആഭ്യന്തര മന്ത്രി അമിത് ഷായ്ക്കെതിരെ ലോക്സഭയിൽ പാർലമെന്ററി വിരുദ്ധമായ ഭാഷ ഉപയോഗിച്ചെന്ന ആരോപണത്തിൽ പ്രതിപക്ഷ നേതാവ് രാഹുലിനെതിരെ അവകാശലംഘന നോട്ടീസ്. സംഭവത്തിൽ വിശദീകരണം ആവശ്യപ്പെട്ട് ലോക്സഭാ പ്രിവിലേജസ് കമ്മിറ്റിയാണ് രാഹുൽ ഗാന്ധിക്ക് നോട്ടീസ് നൽകിയത്.
2026 ഓഗസ്റ്റ് 28നകം നോട്ടീസിന് മറുപടി നൽകണമെന്നാണ് നിർദേശം. ജൂലൈ 30-ന് സഭയിൽ നടത്തിയ പ്രസംഗത്തിനിടെ കേന്ദ്ര ആഭ്യന്തര മന്ത്രി അമിത് ഷായെതിരെ രാഹുൽ ഗാന്ധി മോശമായ രീതിയിൽ സംസാരിച്ചതാണ് നോട്ടീസിന് കാരണമായത് . പാർലമെന്റിന്റെ ചട്ടങ്ങളും മര്യാദകളും ലംഘിക്കുന്ന തരത്തിലുള്ള പരാമർശങ്ങളാണ് നടത്തിയതെന്നാണ് പരാതിയിൽ ഉന്നയിച്ചിരിക്കുന്നത്.
രാഹുൽ ഗാന്ധിയുടെ പരാമർശത്തിനെതിരെ ബിജെപി എംപിമാരായ അനുരാഗ് താക്കൂറും സഞ്ജയ് ജയ്സ്വാളും നേരത്തെ ലോക്സഭാ സ്പീക്കർ ഓം ബിർളയ്ക്ക് പരാതി നൽകിയിരുന്നു. ലോക്സഭയിൽ ഉപയോഗിച്ച ഭാഷ പാർലമെന്ററി മാനദണ്ഡങ്ങൾക്ക് വിരുദ്ധമാണെന്ന് ചൂണ്ടിക്കാട്ടിയായിരുന്നു പരാതി.
ഈ പരാതിയാണ് ഇപ്പോൾ ലോക്സഭാ പ്രിവിലേജസ് കമ്മിറ്റിയുടെ പരിഗണനയിലെത്തിയത്. പരാതിയിൽ പ്രാഥമിക പരിശോധന നടത്തിയ ശേഷമാണ് രാഹുൽ ഗാന്ധിയോട് വിശദീകരണം തേടി കമ്മിറ്റി നോട്ടീസ് നൽകിയിരിക്കുന്നത്. ഓഗസ്റ്റ് 28നകം മറുപടി നൽകണമെന്ന നിർദേശം ഇതിന്റെ ഭാഗമായാണ് നൽകിയിരിക്കുന്നത്.
അമിത് ഷായ്ക്കെതിരായ രാഹുൽ ഗാന്ധിയുടെ പരാമർശവുമായി ബന്ധപ്പെട്ട പരാതിയിലും ഇതേ പശ്ചാത്തലത്തിലാണ് അവകാശലംഘന നടപടി ആരംഭിച്ചിരിക്കുന്നത്. പ്രിവിലേജസ് കമ്മിറ്റിക്ക് രാഹുൽ ഗാന്ധി നൽകുന്ന വിശദീകരണത്തിന് പിന്നാലെയായിരിക്കും വിഷയത്തിൽ തുടർനടപടികൾ ഉണ്ടാകുക.
