കോട്ടയം: തന്റെ ജീവന് രക്ഷിച്ചത് ആര്എസ്എസ്, ബിജെപി പ്രവര്ത്തകരാണെന്ന് ബിജെപി നേതാവ് പി.സി. ജോര്ജ്. തന്നെ രക്ഷിച്ചതിനോടുള്ള നന്ദിയും സ്നേഹവുമാണ് ബിജെപിയില് ചേരാന് കാരണമെന്നും ഇനി പാര്ട്ടി മാറുന്ന കാര്യം ആലോചിക്കേണ്ടതില്ലെന്നും അദ്ദേഹം പറഞ്ഞു.
തീവ്രവാദികള് തന്നെ ആക്രമിക്കാന് എത്തിയപ്പോള് രണ്ടുതവണ ആര്എസ്എസ്, ബിജെപി പ്രവര്ത്തകര് രക്ഷപ്പെടുത്തിയെന്നാണ് പി.സി. ജോര്ജിന്റെ അവകാശവാദം. ഈ സ്നേഹത്തിന്റെ പേരിലാണ് ബിജെപിയില് ചേര്ന്നതെന്നും അദ്ദേഹം വ്യക്തമാക്കി.
”തീവ്രവാദികള് എന്നെ കൊല്ലാന് വേണ്ടി വന്നപ്പോള് രണ്ടുപ്രാവശ്യം ആര്എസ്എസിന്റെയും ബിജെപിയുടെയും പ്രവര്ത്തകരാണ് എന്നെ രക്ഷിച്ചത്. എന്നെ രക്ഷിച്ചതിന്റെ സ്നേഹം കൊണ്ടാണ് ഞാന് ബിജെപിയില് ചേര്ന്നത്. ഇനി പാര്ട്ടി മാറുന്ന പ്രശ്നമില്ല. ആരും അത് ചിന്തിക്കേണ്ടതില്ല. എനിക്ക് ഒരു തന്തയേ ഒള്ളു, അത് ബഹുമാനപ്പെട്ട നരേന്ദ്ര മോദിജി തന്നെയാണ്. അതാണ് സത്യം” പി.സി. ജോര്ജ് പറഞ്ഞു.
