പാലക്കാട്: മുതലമടയിൽ പ്ലസ് വൺ വിദ്യാർഥികൾ തമ്മിലുണ്ടായ സംഘർഷം പിടിച്ചുമാറ്റാൻ ശ്രമിച്ച മെഡിക്കൽ ഷോപ്പ് ഉടമയ്ക്ക് കുത്തേറ്റു. മുതലമടയിൽ മെഡിക്കൽ ഷോപ്പ് നടത്തുന്ന ഷാജഹാനാണ് പരുക്കേറ്റത്.
വിദ്യാർഥികൾ തമ്മിൽ അടിപിടിയുണ്ടായതിനെ തുടർന്ന് ഷാജഹാൻ സംഘർഷം തടയാൻ ഇടപെടുകയായിരുന്നു. ഇതിനിടെ ഒരു പ്ലസ് വൺ വിദ്യാർഥി കൈവശമുണ്ടായിരുന്ന കത്തി ഉപയോഗിച്ച് ഷാജഹാനെ കുത്തുകയായിരുന്നു.
ഷാജഹാന്റെ കൈയ്ക്കാണ് പരുക്കേറ്റത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. വിദ്യാർഥികൾ തമ്മിലുള്ള സംഘർഷത്തിലേക്ക് കത്തി എങ്ങനെ എത്തിയെന്നും സംഘർഷത്തിന് പിന്നിലെ കാരണങ്ങളും പൊലീസ് പരിശോധിച്ചുവരികയാണ്.
