ഗുരുവായൂർ: ഗുരുവായൂർ ക്ഷേത്ര ദർശനത്തിനെത്തുന്ന ഭക്തർക്ക് താമസ സൗകര്യമൊരുക്കി ദേവസ്വം കൗസ്തുഭം റെസ്റ്റ് ഹൗസ് പ്രവർത്തനം ആരംഭിച്ചു. ഭക്തർക്ക് നേരിട്ട് മുറികൾ അനുവദിച്ചാണ് റെസ്റ്റ് ഹൗസിന്റെ പ്രവർത്തനത്തിന് തുടക്കമായത്.
ഇന്ന് രാവിലെ ദേവസ്വം ചെയർമാൻ എ.വി. ഗോപിനാഥിന്റെയും ഭരണസമിതി അംഗം മനോജ് ബി. നായരുടെയും സാന്നിധ്യത്തിലാണ് മുറികൾ ഭക്തർക്ക് നൽകിത്തുടങ്ങിയത്. മുറി അന്വേഷിച്ചെത്തിയ മലപ്പുറം സ്വദേശി ശിവപ്രസാദിന് ആദ്യ മുറി അനുവദിച്ച് ദേവസ്വം ചെയർമാൻ താക്കോൽ കൈമാറി.
ഇനി മുതൽ ഗുരുവായൂരിൽ നേരിട്ടെത്തുന്ന ഭക്തർക്ക് കൗസ്തുഭം റെസ്റ്റ് ഹൗസിൽ മുറികൾ ലഭ്യമാകും. വൈകാതെ ഓൺലൈൻ ബുക്കിങ് സംവിധാനവും ആരംഭിക്കുമെന്ന് ദേവസ്വം ഭരണസമിതി അറിയിച്ചു.
കൗസ്തുഭം റെസ്റ്റ് ഹൗസിലെ മുറികളുടെ നിരക്ക്
2 ബെഡ് എ.സി. – ₹1,575
2 ബെഡ് നോൺ എ.സി. – ₹1,050
3 ബെഡ് നോൺ എ.സി. – ₹1,365
4 ബെഡ് നോൺ എ.സി. – ₹1,575
6 ബെഡ് നോൺ എ.സി. – ₹2,100
ജി.എസ്.ടി ഉൾപ്പെടെയുള്ള നിരക്കാണിത്.
കൗസ്തുഭം റെസ്റ്റ് ഹൗസ്: 0487 2556537
