കൊല്ലം: കൊല്ലത്ത് നിന്ന് കാണാതായ പെൺകുട്ടിയെയും യുവാവിനെയും അങ്കമാലിയിൽ ട്രെയിൻ തട്ടി മരിച്ച നിലയിൽ കണ്ടെത്തി. കൊല്ലം വളത്തുങ്കൽ ആക്കോലിൽ സ്വദേശിനിയായ വിസ്മയയും (15) ബന്ധുവായ അഭിലാഷും (21) ആണ് മരിച്ചത്. ഇന്ന് പുലർച്ചെ അങ്കമാലി റെയിൽവേ സ്റ്റേഷന് സമീപം തൃശൂർ ഭാഗത്തേക്ക് പോയ ട്രെയിൻ ആണ് ഇടിച്ചത്.
വിസ്മയയെ കാണാനില്ലെന്ന് കാണിച്ച് ഇരവിപുരം പൊലീസ് കേസെടുത്തിരുന്നു. അഭിലാഷിനെ കാണാനില്ലെന്ന പരാതിയിൽ കണ്ണനല്ലൂർ പൊലീസും അന്വേഷണം ആരംഭിച്ചിരുന്നു.
ഇരുവരും തമ്മിലുള്ള ബന്ധം ഉൾപ്പെടെയുള്ള കാര്യങ്ങൾ പൊലീസ് പരിശോധിച്ചുവരികയാണ്. മരണത്തിലേക്ക് നയിച്ച സാഹചര്യവും ഇരുവരും അങ്കമാലിയിൽ എത്തിയതെങ്ങനെയെന്നതും അന്വേഷണത്തിന്റെ ഭാഗമായി പരിശോധിക്കുന്നുണ്ട്.
