ബെംഗളൂരു: ഗാന്ധിജയന്തി അവധിയും ശനി, ഞായർ ദിവസങ്ങളിലെ തിരക്കും പരിഗണിച്ച് ബെംഗളൂരുവിൽ നിന്ന് കേരളത്തിലേക്ക് രണ്ട് സ്പെഷ്യൽ ട്രെയിനുകൾ അനുവദിച്ച് റെയിൽവേ. തിരുവനന്തപുരത്തേക്കും കണ്ണൂരിലേക്കുമാണ് അധിക സർവീസുകൾ നടത്തുന്നത്.
എസ്എംവിറ്റി –തിരുവനന്തപുരം എക്സ്പ്രസ് (06585) നാളെ വൈകിട്ട് 4.50ന് ബെംഗളൂരുവിലെ സർ എം. വിശ്വേശ്വരയ്യ ടെർമിനലിൽ (SMVT Bengaluru) നിന്ന് പുറപ്പെടും. പാലക്കാട്, കോട്ടയം വഴിയാണ് ട്രെയിൻ തിരുവനന്തപുരത്തേക്ക് സർവീസ് നടത്തുക.
തിരുവനന്തപുരത്ത് നിന്ന് ബെംഗളൂരുവിലേക്കുള്ള മടക്കയാത്ര ശനിയാഴ്ച ഉച്ചയ്ക്ക് 12.40ന് ആരംഭിക്കും. ഗാന്ധിജയന്തി അവധിയോടനുബന്ധിച്ചുള്ള കേരളത്തിലേക്കുള്ള യാത്രക്കാരുടെ തിരക്ക് പരിഗണിച്ചാണ് അധിക സർവീസ് അനുവദിച്ചിരിക്കുന്നത്.
കണ്ണൂരിലേക്കും സ്പെഷ്യൽ ട്രെയിൻ
എസ്എംവിറ്റി–കണ്ണൂർ സ്പെഷ്യൽ (06595) നാളെ രാത്രി 9.45ന് ബെംഗളൂരുവിൽ നിന്ന് പുറപ്പെടും. കേരളത്തിലേക്കുള്ള യാത്രക്കാരുടെ അധിക തിരക്ക് പരിഗണിച്ചാണ് കണ്ണൂരിലേക്കും പ്രത്യേക സർവീസ് ഏർപ്പെടുത്തിയത്.
കണ്ണൂരിൽ നിന്ന് ബെംഗളൂരുവിലേക്കുള്ള മടക്കയാത്ര വെള്ളിയാഴ്ച വൈകിട്ട് 4.10ന് ആയിരിക്കും.
ഗാന്ധിജയന്തി അവധിയും തുടർന്നുള്ള വാരാന്ത്യവും കണക്കിലെടുത്ത് കേരളത്തിലേക്കും തിരിച്ചുമുള്ള യാത്രക്കാരുടെ എണ്ണം വർധിക്കാനുള്ള സാഹചര്യം പരിഗണിച്ചാണ് റെയിൽവേ രണ്ട് അധിക സർവീസുകൾ പ്രഖ്യാപിച്ചത്.
