കൊച്ചി : തപസ്യ കലാസാഹിത്യ വേദിയുടെ ഗുരുദക്ഷിണ പുരസ്കാരം എം കെ അര്‍ജുനൻ മാഷിന് സമർപ്പിച്ചു .കൊച്ചിയിൽ നടന്ന പ്രൗഢ ഗംഭീരമായ പരിപാടിയിൽ സാമൂഹിക സാംസ്കാരിക രംഗത്തെ പ്രമുഖർ പങ്കെടുത്തു .
സമ്പന്നമായ സദസ്സിനെ സാക്ഷിയാക്കിയാണ് 80 വയസ്സ് പിന്നിട്ട സംഗീത സംവിധായകൻ അർജുനൻ മാഷിന് തപസ്യ കലാ സാഹിത്യ വേദിയുടെ നേതൃത്വത്തിൽ ആദരം അർപ്പിച്ചത് .
എറണാകുളം ടൗൺ ഹാളിൽ നടന്ന പുരസ്ക്കാര സമർപ്പണ ചടങ്ങ് പത്മശ്രീ സി കെ മേനോൻ ഉദ്‌ഘാടനം ചെയ്തു .
തപസ്യ മാർഗ്ഗ ദർശി എം എ കൃഷ്ണൻ അര്‍ജുനൻ മാഷിന് ഗുരുദക്ഷിണ പുരസ്ക്കാരം സമർപ്പിച്ചു .ഗാനരചയിതാവ് ശ്രീകുമാരൻ തമ്പി ചടങ്ങിൽ അധ്യക്ഷത വഹിച്ചു .പ്രശസ്ത ഗായകൻ പി ജയചന്ദ്രൻ ,മേജർ രവി, സിനിമാതാരം ദേവൻ,ജനം ടി വി മാനേജിംഗ് ഡയറക്ടര്‍ പി വിശ്വരൂപൻ തുടങ്ങി നിരവധി പ്രമുഖർ ചടങ്ങിൽ പങ്കെടുത്തു .തുടർന്ന് അർജുനന്‍ മാഷ് ഈണമിട്ട പാട്ടുകൾ കോർത്തിണക്കിയ ഹൃദ്യമായ സംഗീത നിശയും അരങ്ങേറി ..
