പ്രേക്ഷകരില് ചിരിയുടെ മാലപ്പടക്കം തീര്ത്ത ആട് ഒരു ഭീകര ജീവിയാണ് എന്ന ചിത്രം വീണ്ടും തീയേറ്ററുകളിലെത്തുന്നു. ചിത്രത്തിന്റെ സംവിധായകന് മിഥുന് മാനുവല് തോമസ് ആണ് ഇത് സംബന്ധിച്ച വിവരങ്ങള് ഫേസ്ബുക്കിലൂടെ പുറത്തു വിട്ടത്.
കേരളത്തിലെ 51 തിയേറ്ററുകളിലാണ് ആട് ഒരു ഭീകരജീവിയാണ് റീ റിലീസ് ചെയ്യുന്നത്. മലയാളത്തിലെ ഏറ്റവും വലിയ റീ റിലീസ് ഈ ചിത്രത്തിനാണെന്നും മിഥുന് മാനുവല് തോമസ് പറയുന്നു. ചിത്രത്തിന്റെ തീയേറ്റര് ലിസ്റ്റ് വൈകാതെ പുറത്തുവിടുമെന്നും മിഥുന് ഫേസ്ബുക്ക് പോസ്റ്റില് പറയുന്നുണ്ട്.
ജയസൂര്യ നായകനായ ആട് ഒരു ഭീകര ജീവിയാണ് തിയേറ്ററില് വിജയിക്കാതെ പോയ ചിത്രമാണ്. എന്നാല് യൂട്യൂബ് ഉള്പ്പെടെയുള്ള സമൂഹ മാദ്ധ്യമങ്ങള് വഴി ചിത്രത്തിന് വന് സ്വീകാര്യതയാണ് ലഭിച്ചത്. ഷാജി പാപ്പാനും കൂട്ടരും വളരെ പെട്ടന്നാണ് എല്ലാവരുടെയും മനസില് ഇടം നേടിയത്. ജയസൂര്യയ്ക്ക് പുറമെ ധര്മ്മജന് ബോള്ഗാട്ടി, സൈജു കുറുപ്പ്, സണ്ണി വെയ്ന്, വിനായകന്, വിജയ് ബാബു, സാന്ദ്ര തോമസ്, തുടങ്ങിയവരാണ് ചിത്രത്തില് അഭിനയിച്ചത്.
ഇതേ തുടര്ന്ന് രണ്ടാം ഭാഗമായി പുറത്തിറക്കിയ ആട് 2 തിയേറ്ററുകളില് വന് വിജയമാണ് നേടിയത്. ജയസൂര്യയുടെ സിനിമാ ജീവിതത്തില് ഏറെ പ്രശംസ നേടികൊടുത്ത കഥാപാത്രമായിരുന്നു ആട് ഒരു ഭീകരജീവിയിലെ ഷാജിപാപ്പന്.