ചതിച്ചാശാനേ , ജോഷിയെന്നെ ചതിച്ചു ; വീണ്ടും കോട്ടയം കുഞ്ഞച്ചൻ

നീയാന്നോ പച്ച പരിഷ്കാരി ,കറുത്ത കണ്ണടയും ,സിൽക്ക് ജുബ്ബയും ധരിച്ച് വന്ന മമ്മൂട്ടിയുടെ ഈ ഡയലോഗൊന്നും മലയാളി ഇതുവരെ മറന്നിട്ടില്ല.

ഇരുപത്തിയേഴ് വർഷങ്ങൾക്ക് ശേഷം മലയാളത്തിലേക്ക് വീണ്ടും വരുകയാണ് കുഞ്ഞച്ചൻ.

ഡെന്നിസ് ജോസഫിന്റെ തിരക്കഥയില്‍ ടി.എസ്. സുരേഷ് ബാബു ഒരുക്കിയ ചിത്രത്തിന്റെ രണ്ടാം ഭാഗം സംവിധാനം ചെയ്യുന്നത് ആട് ഒരു ഭീകര ജീവിയാണ്,ഓം ശാന്തി ഓശാന തുടങ്ങിയവ ഒരുക്കിയ മിഥുൻ മാനുവലാണ്.വിജയ് ബാബുവാണ് നിര്‍മാണം. മമ്മൂട്ടി തന്നെയാണ് വീണ്ടും കുഞ്ഞച്ചനാവുന്നത്.

സിനിമയെ കുറിച്ചുള്ള വിവരം മിഥുൻ തന്നെയാണ് ഫെയ്സ്ബുക്കിലൂടെ പ്രേക്ഷകരെ അറിയിച്ചത്.

” കാലമെന്ന മഹാപ്രവാഹത്തിന് പരകോടി നന്ദി..!!! ഇതിഹാസം മുട്ടത്തു വർക്കിയിലൂടെ ഉരുത്തിരിഞ്ഞ്, അനുഗ്രഹീത ചലച്ചിത്രകാരൻ ഡെന്നിസ് ജോസഫ് ഊടും പാവും നെയ്തു, നടനവിസ്മയം മമ്മൂട്ടിയിലൂടെ, സുരേഷ് ബാബു എന്ന പ്രഗത്ഭ സംവിധായകനിലൂടെ, മണി എന്ന പ്രശസ്ത നിർമ്മാതാവിലൂടെ കാൽനൂറ്റാണ്ടിനും മുൻപ് കേരളക്കര ഒന്നാകെയുള്ള സിനിമാകൊട്ടകകളിൽ ആരവങ്ങൾ തീർത്ത പ്രതിഭാസം, കോട്ടയം കുഞ്ഞച്ചനെ, തുടക്കക്കാരനായ എന്നിലേയ്‌ക്ക് എത്തിച്ചതിന്..!! ഇതുവരെയുള്ള യാത്രയിൽ ആശ്വാസമായ തണൽ മരങ്ങൾക്കു നന്ദി, വെളിച്ചം വിതറിയ വിളക്കുകാലുകൾക്ക് നന്ദി, സിനിമയെ സ്വപ്നം കണ്ടു നടന്നവനെ തീരത്തടുപ്പിച്ച പായ്‌വഞ്ചികൾക്ക് നന്ദി.. കൈവിടാതെ കൂടെ നിൽക്കുന്ന പ്രേക്ഷക ലക്ഷങ്ങൾക്ക് നന്ദി..:) ഫ്രൈഡേ ഫിലിം ഹൗസിനോടൊപ്പം ചേർന്ന് സവിനയം, സസന്തോഷം, സസ്നേഹം അവതരിപ്പിക്കുന്നു.. കോട്ടയം കുഞ്ഞച്ചൻ 2….” മിഥുൻ കുറിച്ചു.

ഫെയ്സ്ബുക്ക് പോസ്റ്റിന്റെ പൂർണ്ണ രൂപം