Movie

പരീക്ഷക്ക് പോലും ഞാനിത്ര ഉറക്കമിളച്ച് പഠിച്ചിട്ടില്ലെന്ന് ദുൽഖർ സൽമാൻ

പരീക്ഷക്ക് പോലും ഞാനിത്ര ഉറക്കമിളച്ച് പഠിച്ചിട്ടില്ല, കേൾക്കുമ്പോൾ യോദ്ധ സിനിമയിലെ ജഗതി ശ്രീകുമാറിന്റെ ഡയലോഗാണോ ദുൽഖർ സൽമാൻ പറഞ്ഞ് പഠിക്കുന്നതെന്ന് സംശയം തോന്നിയേക്കാം.

എന്നാൽ നടി സാവിത്രിയുടെ ജീവിതം പ്രമേയമാക്കി ഒരുക്കുന്ന തന്റെ പുതിയ തെലുങ്ക് ചിത്രം ‘മഹാനടി ‘ ക്കു വേണ്ടിയാണ് താരം കഷ്ടപ്പെട്ട് തെലുങ്ക് ഭാഷ പഠിക്കുന്നത്.

ചിത്രത്തിന്റെ ഡബിംഗ് വേളയില്‍ സംഭാഷണം പഠിക്കുന്ന ചിത്രങ്ങളാണ് ദുല്‍ഖര്‍ ഫേസ്ബുക്കില്‍ പങ്കുവെച്ചിരിക്കുന്നത്. പരീക്ഷയ്ക്കു പോലും താനിങ്ങനെ കഷ്ടപ്പെട്ടിട്ടില്ലെന്ന അടിക്കുറിപ്പോടെയാണ് താരം ചിത്രങ്ങള്‍ പോസ്റ്റ് ചെയ്തിരിക്കുന്നത്.

തെലുങ്കില്‍ ദുല്‍ഖര്‍ അരങ്ങേറ്റം നടത്തുന്ന ചിത്രമാണ് മഹാനടി.

ചിത്രത്തിൽ സാവിത്രിയുടെ ഭര്‍ത്താവും നടനുമായ ജെമിനി ഗണേശന്റെ വേഷമാണ് ദുല്‍ഖര്‍ ചെയ്യുന്നത്. നാഗ് അശ്വിന്‍ സംവിധാനം ചെയ്യുന്ന ചിത്രത്തില്‍ കീര്‍ത്തി സുരേഷാണ് നായിക. മെയ് മാസത്തില്‍ ചിത്രം തിയേറ്ററുകളിലെത്തുമെന്നാണ് റിപ്പോർട്ട്.

190 Shares

Please scroll down for comments

Close
Close