മുംബൈ: രാജ്യാന്തര ട്വന്റി 20 മത്സരങ്ങൾക്ക് സമാനമായി ഇന്ത്യൻ പ്രീമിയർ ലീഗ് ക്രിക്കറ്റിലും അമ്പയറുടെ തീരുമാനത്തെ ചോദ്യം ചെയ്യുന്നതിനുള്ള ഡിആർഎസ് സംവിധാനം നടപ്പാക്കും. ഡിസിഷൻ റിവ്യൂ സിസ്റ്റം ഉപയോഗിക്കാൻ ബിസിസിഐ അനുമതി നൽകിയിരുന്നു.
ഐപിഎൽ പത്താം സീസണിൽ മുംബൈയ്ക്കെതിരായ മത്സരത്തിൽ ധോണി റിവ്യൂ സിംബൽ ഉപയോഗിച്ചത് ഏറെ ശ്രദ്ധിക്കപ്പെട്ടിരുന്നു.
നേരത്തെ ഇന്ത്യയിൽ ഡിആർഎസ് സംവിധാനം ഉപയോഗിക്കുന്നതിനോട് ബിസിസിഐ വിമുഖത കാട്ടിയിരുന്നു. എന്നാൽ 2016 മുതൽ റിവ്യൂ സംവിധാനം ഉപയോഗിക്കാൻ ബിസിസിഐ അനുവാദം നൽകിയിരുന്നു. ഇതോടെ രാജ്കട്ടിൽ നടന്ന ഇന്ത്യ ഇംഗ്ലണ്ട് ടെസ്റ്റ് പരമ്പരയിൽ ആദ്യമായി ഡിആർഎസ് ഉപയോഗിച്ചു.
എന്നാൽ ഐപിഎല്ലിൽ ഡിആർഎസ് ഉപയോഗിക്കുന്നതിന് ബിസിസിഐ പച്ചക്കൊടി കാട്ടിയിരുന്നില്ല.