മോസ്കോ: ലോകകപ്പ് ഫുട്ബോളിലെ നിർണായക മത്സരത്തിൽ നൈജീരിയെ 2-1ന് തകർത്ത് അർജന്റീന പ്രീക്വാർട്ടറിൽ പ്രവേശിച്ചു. ഐസ് ലൻഡിനെ ക്രൊയേഷ്യ 2-1ന് തോൽപ്പിച്ചതോടെയാണ് അർജന്റീന പ്രീക്വാർട്ടറിൽ പ്രവേശിച്ചത്.
അർജന്റീനയ്ക്ക് വേണ്ടി സൂപ്പർ താരം ലയണൽ മെസിയും മാർകോസ് റോജോയുമാണ് ഗോൾ നേടിയത്.
കളിയുടെ 14-ാം മിനിറ്റിൽ മെസി ആദ്യം വലചലിപ്പിച്ചു. അതോടെ ആദ്യ പകുതിയിൽ അർജന്റീന മുന്നിൽ രണ്ടാം പകുതിയുടെ തുടക്കത്തിൽ 51-ാം മിനിറ്റിൽ മഷറാനോ ഫൗൾ ചെയ്തതുമൂലം ലഭിച്ച പെനാൽറ്റി നൈജീരിയ വലയിലാക്കി. മോസസായിരുന്നു ഗോൾ നേടിയത്.
86-ാം മിനിറ്റിൽ ലഭിച്ച സൂപ്പർ പാസ് മാർകോസ് റോജോ ഗോളാക്കി മാറ്റിയതോടെ അർജന്റീന വിജയമുറപ്പിച്ചു.
പ്രീ ക്വാർട്ടറിൽ ഫ്രാൻസാണ് അർജന്റീനയുടെ എതിരാളികൾ.
