മോസ്കോ: തുടർച്ചയായ നാലാം ലോകകപ്പിലും ചാമ്പ്യൻമാർ ഗ്രൂപ്പ് ഘട്ടത്തിൽ പുറത്ത്. ലോകകപ്പ് ഫുട്ബോളിൽ ജർമനി പ്രീക്വാർട്ടർ കാണാതെ പുറത്ത്. അവസാന ലീഗ് മത്സരത്തിൽ ദക്ഷിണ കൊറിയയോട് ഏകപക്ഷീയമായ ഒരു ഗോളിന് തോൽവി വഴങ്ങിയതോടെയാണ് ജർമനി ലോകകപ്പിൽ നിന്നും പുറത്തായത്.
കിം യങ് ഗൺ ആണ് ആദ്യ ഗോൾ നേടിയത്. രണ്ടാം ഗോൾ സൺ ഹ്യൂമിൻ നേടി. കഴിഞ്ഞ മൂന്ന് ലോകകപ്പുകളിലും നിലവിലെ ചാമ്പ്യന്മാർ ഗ്രൂപ്പ് ഘട്ടത്തിൽ പുറത്താകുന്ന പതിവ് തെറ്റിക്കാൻ ജർമനിയ്ക്കുമായില്ല. ലോകകപ്പ് നിലനിർത്താൻ ലക്ഷ്യമിട്ടെത്തിയ ജർമനിയ്ക്ക് മികച്ച ഫിനിഷറിന്റെ അഭാവമാണ് തിരിച്ചടിയായത്.
ഗ്രൂപ്പ് എഫിൽ നിന്ന് സ്വീഡനും, മെക്സികോയും പ്രീക്വാർട്ടറിൽ. മെക്സികോയെ എതിരില്ലാത്ത മൂന്നു ഗോളുകൾക്ക് തകർത്താണ് സ്വീഡൻ പ്രീക്വാർട്ടർ ഉറപ്പിച്ചത്.