മോസ്കോ: പ്രീക്വാർട്ടർ തോൽവിക്ക് പിന്നാലെ അർജന്റീനിയൻ മിഡ്ഫീൽഡർ ഹാവിയർ മഷരാനോ അന്താരാഷ്ട്ര ഫുട്ബോളിൽ നിന്ന് വിരമിച്ചു. 2003-2004 സീസൺ മുതൽ അർജന്റീനിയൻ ടീമിലെ സ്ഥിര സാന്നിധ്യമായിരുന്നു 34 കാരനായ മഷരാനോ. 145 അന്താരാഷ്ട്ര മത്സരങ്ങൾ കളിച്ച മഷരാനോ മൂന്ന് ലോകകപ്പുകളിൽ ബൂട്ടണിഞ്ഞു.
2004ലും 2008ലും ഒളിമ്പിക് സ്വർണമെഡൽ നേടിയ അർജന്റീന ടീമിലംഗമായി. 2014 ലോകകപ്പിൽ ടീമിനെ രണ്ടാം സ്ഥാനത്ത് എത്തിക്കുന്നതിൽ നിർണായക പങ്കാണ് മഷരാനോ വഹിച്ചത്. 2010 മുതൽ കഴിഞ്ഞ സീസൺവരെ ബാഴ്സലോണയ്ക്കുവേണ്ടി ക്ലബ് ഫുട്ബോൾ കളിച്ചു.
നിലവിൽ ചൈനീസ് സൂപ്പർ ലീഗിലെ ഹെബെയ് ടീമിനു വേണ്ടിയാണ് കളിക്കുന്നത്.