മോസ്കോ: ഖത്തർ ആതിഥേയത്വം വഹിക്കുന്ന അടുത്ത ലോകകപ്പ് മത്സരങ്ങൾ 2022 നവംബർ 21 മുതൽ ഡിസംബർ 18 വരെ അരങ്ങേറുമെന്ന് ഫിഫ അറിയിച്ചു. അറബ് മേഖലയിൽ ജൂൺ ജൂലൈ മാസങ്ങളിൽ ഖത്തറിൽ കടുത്ത ചൂട് അനുഭവപ്പെടുന്ന സാഹചര്യത്തിലാണ് മത്സരങ്ങൾ നവംബർ, ഡിസംബർ മാസങ്ങളിലേക്ക് മാറ്റിയത്.
എന്നാൽ നവംബർ ഡിസംബർ മാസങ്ങളിൽ നടക്കുന്ന ലീഗ് മത്സരങ്ങൾക്ക് ലോകകപ്പ് തിരിച്ചടിയായേക്കും.
അതേസമയം, ഖത്തർ ലോകകപ്പ് മുതൽ പങ്കെടുക്കുന്ന ടീമുകളുടെ എണ്ണം വർദ്ധിപ്പിക്കാൻ ആലോചിക്കുന്നതായി ഫിഫ പ്രസിഡന്റ് ജിയാനി ഇൻഫന്റിനോ പറഞ്ഞു. 2026 ലോകകപ്പില് ടീമുകളുടെ എണ്ണം വർദ്ധിപ്പിക്കുമെന്നായിരുന്നു ഇൻഫന്റിനോ നേരത്തേ അറിയിച്ചിരുന്നത്.
ഇപ്പോൾ നടക്കുന്ന ലോകകപ്പിൽ 32 രാജ്യങ്ങളാണ് പങ്കെടുത്തത്. ഇത് വർധിപ്പിച്ച് 48 രാഷ്ട്രങ്ങൾ മാറ്റുരയ്ക്കുന്ന ടൂർണമെന്റാക്കി മാറ്റാനാണ് ഫിഫ ആലോചിക്കുന്നത്. 48 ടീമുകൾ പങ്കെടുക്കുമ്പോൾ 16 മൽസരങ്ങളാണ് അധികമായി വരിക. 64 മൽസരങ്ങൾ നടക്കുന്നിടത്ത് 80 കളികളായിരിക്കും നടത്തേണ്ടിവരിക.
