Tech

ലോകത്തിലെ ആദ്യത്തെ മടക്കുന്ന ഫോണ്‍ വിപണിയില്‍

വളരെ നാളായി നമ്മള്‍ കേള്‍ക്കാന്‍ തുടങ്ങിയതാണ് മടക്കാന്‍ കഴിയുന്ന ഫോണ്‍ എന്നത്. ഇതിനായി പല പരീക്ഷണങ്ങള്‍ ആപ്പിളും സാംസങ്ങും അടക്കമുള്ള കമ്പനികള്‍ വളരെ നാളായി നടത്തുന്നുമുണ്ട്. എന്നാല്‍ ഈ വമ്പന്‍ കമ്പനികളെ എല്ലാം പിന്‍തള്ളി റോയൂ എന്ന ചെനീസ് കമ്പനി ഈ ശ്രമം വിജയകരമായി പൂര്‍ത്തിയാക്കിയിരിക്കുകയാണ്.
ലോകത്തിലെ ആദ്യത്തെ മടക്കുന്ന ഫോണിന് ഫ്‌ളെക്‌സി പൈ എന്നാണ് പേര് നല്‍കിയിരിക്കുന്നത്.

കാഴ്ചയില്‍ മൂന്ന് ഡിസ്‌പ്ലെകള്‍ എന്ന് തോന്നിക്കുന്ന രീതിയിലാണ് ഇതിന്റെ നിര്‍മ്മാണം. അതിനാല്‍ തന്നെ ഇതിനെ മടക്കുന്ന ടാബ്‌ലെറ്റ് എന്നും ഫോണ്‍ എന്നും വിളിക്കാന്‍ സാധിക്കും. 1920 *1440 റെസൊല്യൂഷനില്‍ 7.8 ഇഞ്ച് ഡിസ്പ്‌ളേയില്‍ 4:3 അനുപാതത്തില്‍ ആണ് ഇതിന്റ ഡിസ്പ്‌ളേ രൂപകല്‍പ്പന ചെയ്തിരിക്കുന്നത്. എന്നാല്‍ മടക്കുമ്പോള്‍ ഫലത്തില്‍ മൂന്ന് സ്‌ക്രീനുകളുടെ അനുഭവം ലഭ്യമാകും.

ഫോണ്‍ മടക്കിക്കഴിഞ്ഞാല്‍ പിറകിലും മുന്‍വശത്തും ഓരോ സ്‌ക്രീനുകളും ഒപ്പം നടുവില്‍ ഒരു ചെറിയ സ്‌ക്രീനും കൂടെ ലഭ്യമാകും. 810 x 1440 റെസൊല്യൂഷനില്‍ 16:9 അനുപാതത്തിലുള്ള പ്രധാന സ്‌ക്രീന്‍, 720 x 1440 റെസൊല്യൂഷനില്‍ 18:9 അനുപാതത്തിലുള്ള രണ്ടാമത്തെ സ്‌ക്രീന്‍ എന്നിവയ്‌ക്കൊപ്പം നടുവില്‍ മടക്കുന്ന സ്ഥലത്തുള്ള സ്‌ക്രീനിന് 390 x 1440 റെസൊല്യൂഷനില്‍ 21:6 അനുപാതവുമാണ് ഉള്ളത്.

ലോകത്തിലെ ആദ്യത്തെ സ്‌നാപ് ഡ്രാഗണ്‍ 8150 പ്രോസസറില്‍ ആണ് ഈ ഫോണ്‍ എത്തുന്നത്. ഒപ്പം 6 ജിബി റാം, 128 ജിബി അല്ലെങ്കില്‍ 256 ജിബി മെമ്മറി എന്നിവയും എടുത്തുപറയേണ്ട മറ്റു സവിശേഷതകളാണ്.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close