സിഡ്നി: ഓസീസ് മണ്ണിലെ ആദ്യ ടെസ്റ്റ് പരമ്പര വിജയം ലക്ഷ്യമിട്ട് കളത്തിലിറങ്ങിയ ഇന്ത്യ മികച്ച നിലയില്. ഒന്നാം ദിനം കളി നിര്ത്തുമ്പോള് നാല് വിക്കറ്റ് നഷ്ടത്തില് 303 എന്ന നിലയിലാണ് ഇന്ത്യ. ചേതേശ്വര് പൂജാരയാണ് ഇന്ത്യയെ മികച്ച സ്കോറിലെത്തിച്ചത്. പൂജാര 130 റണ്സും ഹനുമ വിഹാരി 39 റണ്സുമായും ക്രീസിലുണ്ട്. 199 പന്തില് 13 ബൗണ്ടറി സഹിതമാണ് പൂജാര പരമ്പരയിലെ മൂന്നാമത്തെയും കരിയറിലെ 18ാമത്തെയും സെഞ്ച്വറി സ്വന്തമാക്കിയത്. ഇതുവരെ 250 പന്തുകള് നേരിട്ട പൂജാര 16 ബൗണ്ടറികള് സഹിതമാണ് 130 റണ്സ് നേടിയത്. വിഹാരി 58 പന്തില് നിന്നും അഞ്ച് ബൗണ്ടറികളോടെയാണ് 39 റണ്സ് നേടിയത്.
രണ്ടാം വിക്കറ്റില് പൂജാര-മായങ്ക് അഗര്വാള് സഖ്യത്തിന്റെ കൂട്ടുകെട്ടാണ് ഇന്ത്യന് സ്കോറിന് അടിത്തറയിട്ടത്. ഇരുവരും ചേര്ന്ന് 116 റണ്സ് നേടി. മൂന്നാം വിക്കറ്റില് പൂജാര-കോഹ്ലി സഖ്യവും(54), അഞ്ചാം വിക്കറ്റില് പൂജാര-വിഹാരി സഖ്യവും(75) ചേര്ന്ന് നേടിയെടുത്ത അര്ധസെഞ്ച്വറി കൂട്ടുകെട്ടാണ് ഇന്ത്യന് ഇന്നിംഗ്സിന് കരുത്തായത്.
മായങ്ക് അഗര്വാള്(77), ലോകേഷ് രാഹുല്(9), വിരാട് കോഹ്ലി(23), അജിങ്ക്യ രഹാനെ(18) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. ഓസ്ട്രേലിയക്ക് വേണ്ടി ജോഷ് ഹെയ്സല്വുഡ് രണ്ടും നേഥന് ലയണ്, മിച്ചല് സ്റ്റാര്ക്ക് എന്നിവര് ഓരോ വിക്കറ്റ് വീതവും നേടി.
സിഡ്നിയില് വിജയിച്ചാല് ഇന്ത്യക്ക് ഓസ്ട്രേലിയന് മണ്ണില് ആദ്യ ടെസ്റ്റ് പരമ്പരയെന്ന ചരിത്രനേട്ടം സ്വന്തമാക്കാം. മത്സരം സമനിലയിലാണെങ്കിലും 14 വര്ഷത്തിന് ശേഷം ഓസീസ് മണ്ണില് ബോര്ഡര്-ഗവാസ്കര് ട്രോഫി ഇന്ത്യയ്ക്ക് നേടാം. നിലവില് പരമ്പരയില് 2-1ന് മുന്നിലാണ് ഇന്ത്യ. അഡ്ലെയ്ഡിലും മെല്ബണിലും ഇന്ത്യ വിജയം നേടിയപ്പോള് പെര്ത്തില് വിജയം ഓസീസിനൊപ്പമായിരുന്നു
