മുംബൈ: ടിവി ചാറ്റ് ഷോയ്ക്കിടെ സ്ത്രീവിരുദ്ധ പരാമര്ശം നടത്തിയ ഇന്ത്യന് ക്രിക്കറ്റ് താരങ്ങളായ ഹര്ദിക് പാണ്ഡ്യ, കെ.എല് രാഹുല് എന്നിവര്ക്കെതിരെ അച്ചടക്ക നടപടിക്ക് ബിസിസിഐ ശിപാര്ശ ചെയ്തു. വിലക്ക് ഉള്പ്പെടെയുള്ള നടപടികള് സ്വീകരിക്കണമെന്നാണ് ബിസിസിഐ ഇടക്കാല ഭരണ സമിതിയുടെ ശിപാര്ശ.
ചാറ്റ് വിത്ത് കരണ് എന്ന ടിവി ഷോയ്ക്കിടെ തനിക്ക് ഒരേ സമയം ഒന്നിലധികം സ്ത്രീകളുമായി ബന്ധമുണ്ടായിരുന്നു എന്ന് പാണ്ഡ്യ പറഞ്ഞിരുന്നു. രാഹുലും ഷോയില് സമാനമായ സ്ത്രീവിരുദ്ധ പരാമര്ശങ്ങള് നടത്തി. സംഭവം വിവാദമായതോടുകൂടി ബിസിസിഐ ഇരുവരോടും വിശദീകരണം ആവശ്യപ്പെട്ടു. പരാമര്ശത്തില് മാപ്പ് ചോദിച്ച് ഹര്ദിക്് പാണ്ഡ്യ കഴിഞ്ഞ ദിവസം ട്വീറ്റ് ചെയ്തിരുന്നു.
എന്റര്ടെയ്ന്മെന്റ് ഷോകളില് താരങ്ങള് പങ്കെടുക്കുന്നത് വിലക്കുന്ന കാര്യവും ബിസിസിഐയുടെ പരിഗണനയിലുണ്ട്.
