Sports

രോഹിത്തിന്റെ സെഞ്ച്വറി വെറുതെയായി; സിഡ്നിയിൽ ജയം ഓസിസിന്

സിഡ്നി: ഓസ്ട്രേലിയയ്‍ക്കെതിരായ ഏകദിന ക്രിക്കറ്റ് പരമ്പരയിലെ ആദ്യ മത്സരത്തിൽ ഇന്ത്യയ്ക്ക് 34 റൺസിന്‍റെ തോൽവി. 289 റൺസ് വിജയലക്ഷ്യം പിന്തുടർന്ന ഇന്ത്യയ്ക്ക് നിശ്ചിത ഓവറിൽ ഒൻപത് വിക്കറ്റിന് 254 റൺസ് എടുക്കാനെ കഴിഞ്ഞുള്ളു.

നാല് റൺസ് എടുക്കുന്നതിനിടെ മൂന്ന് മുൻനിര വിക്കറ്റുകൾ നഷ്ടമായ ഇന്ത്യയ്ക്ക് വേണ്ടി രോഹിത് ശർമ സെഞ്ച്വറി നേടിയെങ്കിലും ജയത്തിലെത്തിക്കാനായില്ല. 110 പന്തിൽ നിന്നുമാണ് കരിയറിലെ 22-ാം സെഞ്ച്വറി രോഹിത് പൂർത്തിയാക്കിയത്. രോഹിത് ശർമ്മ 133 ഉം എം എസ് ധോണി 51 ഉം റൺസ് എടുത്തു.

ശിഖർ ധവാനും അമ്പാട്ടി റായിഡുവും പൂജ്യത്തിന് പുറത്തായി. നായകൻ വിരാട് കോഹ്‍‍‍ലിയ്ക്ക് മൂന്ന് റൺസ് എടുക്കാനെ കഴിഞ്ഞുള്ളു. വാലറ്റ നിരയിൽ ഭുവനേശ്വർ കുമാർ പുറത്താകാതെ 29 റൺസ് എടുത്തു. ഓസിസിനായി ജൈ റിച്ചാർഡ്സൻ നാലും അരങ്ങേറ്റക്കാരൻ ജേസൻ ബെഹ്‍റൻഡ്രോഫ് രണ്ടും വിക്കറ്റ് വീഴ്ത്തി.

ടോസ് നേടി ആദ്യം ബാറ്റ് ചെയ്ത ഓസീസ് നിശ്ചിത 50 ഓവറിൽ അഞ്ച് വിക്കറ്റ് നഷ്ടത്തിലാണ് 288 റൺസെടുത്തത്. 73 റൺസെടുത്ത പീറ്റർ ഹാൻസ്കോംപാണ് ടോപ് സ്‍കോറർ. ഉസ്‍മാൻ ഖ്വാജ 59 ഉം ഷോൺ മാർഷ് 54 ഉം റൺസെടുത്തു.

436 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close