ലണ്ടന്: വിമാനയാത്രക്കിടെ കാണാതായ അര്ജന്റീനിയന് ഫുട്ബോള് താരം എമിലിയാനോ സാലെയ്ക്കായുള്ള തിരച്ചില് അവാനിപ്പിച്ചു. ഫ്രാന്സില് നിന്നും കാര്ഡിഫിലേയ്ക്കുള്ള യാത്രക്കിടെയാണ് സാലെ സഞ്ചരിച്ച വിമാനം കാണാതായത്. അല്ഡേനി ദ്വീപുകള്ക്ക് സമീപമാണ് വിമാനത്തില് നിന്നുള്ള അവസാന സിഗ്നല് ലഭിച്ചത്. പിന്നീട് അപ്രത്യക്ഷമാകുകയായിരുന്നു.
സാലെയും പൈലറ്റ് ഡേവിഡ് ഇബോട്സണും ജീനോടെയുണ്ടാവാനുള്ള സാധ്യത വിരളമാണെന്നാണ് ഗേര്ണസി പോലീസിന്റെ വിലയിരുത്തല്. തെളിവുകളുടെ അഭാവത്തില് ഇനിയും തിരച്ചില് തുടരുന്നതില് അത്ഥമില്ലെന്ന് പോലീസ് വ്യക്തമാക്കി.
സാലെയുടെ പഴയ തട്ടകം വിട്ട് പുതിയ ക്ലബ്ബിലേയ്ക്ക് ചേരാനുള്ള യാത്രക്കിടെയാണ് അപകടം സംഭവിച്ചത്. റെക്കോര്ഡ് തുകയായ 138 കോടി രൂപയക്കാണ് കാര്ഡിഫ് സിറ്റി ഫ്രഞ്ച് ക്ലബ്ബായ നാന്റെസില് നിന്നും സാലെയെ വാങ്ങിയത്.
തിങ്കളാഴ്ച രാത്രി 7.15 നാണ് വിമാനം പുറപ്പെട്ടത്. 8.30 യോടുകൂടി വിമാനവുമായുള്ള ബന്ധം നഷ്ടമാകുകയായിരുന്നു.
