ഗ്രൂപ്പുകളില് ആളെക്കൂട്ടുന്നതിന് കടിഞ്ഞാണുമായി വാട്സാപ്പ്. ഗ്രൂപ്പുകളില് അംഗങ്ങളെ ചേര്ക്കാന് ഇനി ഉടമകളുടെ സമ്മതം കൂടി ആവശ്യമായി വരും. ഇതനുസരിച്ച് ഗ്രൂപ്പുകളില് അംഗമാക്കണമെങ്കില് അഡ്മിന് അംഗങ്ങള്ക്ക് ക്ഷണക്കത്ത് അയയ്ക്കണം. അംഗമാകുന്നത് സമ്മതമാണെങ്കില് മാത്രമേ ഗ്രൂപ്പില് അഡ്മിന് ചേര്ക്കാന് കഴിയുകയുളളൂ.
ലോകസഭാ തിരഞ്ഞെടുപ്പിന്റെ പശ്ചാത്തലത്തില് പ്രചാരണത്തിന്റെ ഭാഗമായി പല ഗ്രൂപ്പുകള് തുടങ്ങുകയും അനുമതി ഇല്ലാതെ അംഗങ്ങളെ ചേര്ക്കുകയും ചെയ്യുന്നത് തടയാനാണ് വാട്സ് ആപ്പിന്റെ പുതിയ ഫീച്ചര്.ഈ സുരക്ഷാ ക്രമം അവതരിപ്പിക്കുന്നതോടെ അനാവശ്യ ഗ്രൂപ്പുകളില് അംഗമാകുന്നത് ഒഴിവാക്കാനാകും. ലഭിക്കുന്ന സന്ദേശങ്ങളുടെ മുന്ഗണന ഉപഭോക്താവിന്റെ നിയന്ത്രണത്തിലാകുമെന്നതാണ് പ്രത്യേകത.
സുരക്ഷ സ്വകാര്യവത്കരിക്കുന്നതിനായി നിശ്ചിതമായ ക്രമങ്ങളുണ്ട്. 3 തരത്തില് കോണ്ടാക്ടില് ഇവ ക്രമപ്പെടുത്താം. ആര്ക്കും ചേര്ക്കാന് പറ്റാത്ത രീതിയിലും കോണ്ടാക്ടില് ഉള്ളവര്ക്ക് മാത്രം ചേര്ക്കാന് പറ്റുന്ന രീതിയിലും എല്ലാവര്ക്കും ചേര്ക്കാവുന്ന രീതിയിലും. നിലവിലെ ലാസ്റ്റ് സീന് ഫീച്ചര് ക്രമപ്പെടുത്തിയിരിക്കുന്നത് പോലെതന്നെയാണിത്.
ഇതില് ആര്ക്കും ചേര്ക്കാന്പറ്റാത്ത രീതിയിലുള്ളവയില് അഡ്മിന് ഉടമയ്ക്ക് ക്ഷണക്കത്ത് അയയ്ക്കണം. ഇതിന് ഉടമ മൂന്ന് ദിവസത്തിനകം മറുപടി നല്കണം ഇല്ലെങ്കില് ക്ഷണം വീണ്ടും നല്കേണ്ടി വരും. കോണ്ടാക്ടില് ഉള്ളവര്ക്ക് മാത്രം ചേര്ക്കാന് പറ്റുന്ന രീതിയിലും ഇതേ മാനദണ്ഡമാണുള്ളത്. എല്ലാവര്ക്കും ചേര്ക്കാവുന്ന രീതിയിലുള്ളതില് പ്രത്യേക മാനദണ്ഡങ്ങളൊന്നും ഇല്ല.
പുതിയ ഫീച്ചറുകള് പരീക്ഷണാത്ഥം ചില ഉപഭോക്താക്കള്ക്ക് വാട്സ് അപ്പ് നല്കി തുടങ്ങി. അടുത്ത ആഴ്ചയോടെ ലോകമെമ്പാടുമുള്ള ഉപഭോക്താക്കള്ക്ക് ഫീച്ചര് ലഭ്യമാകും. വാട്സ് ആപ്പിന്റെ നവീകരിച്ച പതിപ്പിലാണ് ഫീച്ചര് ലഭിക്കുക.
ഇതോടെ സ്പാം ഗ്രൂപ്പുകളിലെ അംഗത്വം സംബന്ധിച്ച ഉപഭോക്താക്കളുടെ പരാതിയ്ക്കാണ് വാട്സ് ആപ്പ് പരിഹാരം കണ്ടിരിക്കുന്നത്.
അതേസമയം, ലഭിക്കുന്ന വാര്ത്തകളുടെ ആധികാരിക പരിശോധിക്കാന് സാധിക്കുന്ന ഫീച്ചര് കഴിഞ്ഞ ആഴ്ച വാട്സ് ആപ്പ് പുറത്തിറക്കിയിരുന്നു. ചെക്ക് പോയിന്റ് ടിപ് ലൈന് എന്നാണ് ഫീച്ചറിന്റെ പേര്. വ്യാജ വാര്ത്തകളും കിംവദന്തികളും തടയുന്നതിന് ഈ ഫീച്ചര് ഉപയോഗപ്പെടുമെന്നാണ് വിലയിരുത്തല്.