Sports

ലോകകപ്പില്‍ രണ്ടേ രണ്ട് മത്സരം! ഫീല്‍ഡില്‍ അതിശയിപ്പിക്കുന്ന പ്രകടനവുമായി ‘സര്‍’ രവീന്ദ്ര ജഡേജ; കണക്കുകള്‍ ഇങ്ങനെ

മാഞ്ചസ്റ്റര്‍: ന്യൂസിലന്‍ഡിനെതിരായ സെമി ഫൈനലില്‍ പരാജയപ്പെട്ട് ഇന്ത്യ പുറത്തായപ്പോഴും ആരാധകരുടെ മനസില്‍ ഇടം നേടിയത് രവീന്ദ്ര ജഡേജയായിരുന്നു. കാരണം കീവീസിനെതിരെ അദ്ദേഹം പുറത്തെടുത്തത് ശരിക്കുമൊരു വണ്‍മാന്‍ ഷോ തന്നെയായിരുന്നു. മത്സരം കൈവിട്ടു പോയെന്ന് തോന്നിച്ച നിമിഷത്തില്‍ വീരോചിതമായി പോരാടി 59 പന്തുകള്‍ നേരിട്ട ജഡേജ 77 റണ്‍സ് നേടിയാണ് പുറത്തായത്.

നേരത്തെ, മികച്ച ഫോമില്‍ ബാറ്റു ചെയ്ത റോസ് ടെയ്‌ലറെ ഒരു ഡയറക്ട് ത്രോയിലൂടെ പുറത്താക്കിയ ജഡേജ അധികം വൈകാതെ ടോം ലഥാമിനെ ബൗണ്ടറി ലൈനിനു സമീപത്തു നിന്നും മനോഹരമായ ക്യാച്ചിലൂടെ പുറത്താക്കുകയും ചെയ്തിരുന്നു. 10 ഓവറില്‍ 34 റണ്‍സ് വഴങ്ങിയ ജഡേജ ഒരു വിക്കറ്റും സ്വന്തമാക്കിയിരുന്നു.

ഈ ലോകകപ്പില്‍ 41 റണ്‍സാണ് ജഡേജ സേവ് ചെയ്തതെന്നാണ് കണക്കുകള്‍ വ്യക്തമാക്കുന്നത്. സര്‍ക്കിളിനുള്ളില്‍ 24 റണ്‍സ് തടുത്തിട്ടപ്പോള്‍ ബൗണ്ടറിയില്‍ 17 റണ്‍സും താരം ഇന്ത്യക്കായി സേവ് ചെയ്തു. 2019 ലോകകപ്പില്‍ ഏറ്റവും കൂടുതല്‍ റണ്‍സ് സേവ് ചെയ്ത താരം രവീന്ദ്ര ജഡേജയാണ്. 34 റണ്‍സ് സേവ് ചെയ്ത മാര്‍ട്ടിന്‍ ഗുപ്റ്റിലാണ് രണ്ടാം സ്ഥാനത്ത്.

ലോകകപ്പില്‍ വ്യത്യസ്തനാണ് താനെന്ന് തെളിയിക്കുന്ന പ്രകടനമാണ് ജഡേജയില്‍ നിന്നുമുണ്ടായത്. പ്ലേയിംഗ് ഇലവനില്‍ രണ്ട് തവണ മാത്രമാണ് താരത്തിന് അവസരം ലഭിച്ചത്. എന്നാല്‍ മറ്റു മത്സരങ്ങളിലൊക്കെ ഫീല്‍ഡില്‍ പകരക്കാരന്റെ റോളില്‍ ജഡേജയെത്തി.

ഇംഗ്ലണ്ടിനെതിരായ മത്സരത്തില്‍ ജേസണ്‍ റോയിയെ പുറത്താക്കിയ ക്യാച്ച് ഈ ലോകകപ്പിലെ മികച്ച ക്യാച്ചുകളില്‍ ഒരെണ്ണമാണെന്നതില്‍ ആര്‍ക്കും സംശയമുണ്ടാകില്ല. ഓസീസിനെതിരായ മത്സരത്തില്‍ ഗ്ലെന്‍ മാക്‌സ്‌വെല്ലിനെ പുറത്താക്കാന്‍ മുന്നോട്ട് ഓടിയെത്തിയ ജഡേജ എടുത്ത മനോഹര ക്യാച്ചും ആരാധകരുടെ മനസില്‍ മായാതെ നില്‍ക്കുന്നു.

535 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close