ലണ്ടൻ: വിമ്പിൾ‍ഡൺ വനിതാ സിംഗിൾസ് കിരീടം റുമാനിയൻ താരം സിമോണ ഹാലെപിന്. ഫൈനലിൽ ലോക പത്താം റാങ്കുകാരിയായ സെറീന വില്ല്യംസിനെ നേരിട്ടുള്ള സെറ്റുകള്‍ക്ക്‌ തോൽപ്പിച്ചാണ് സിമോണ കന്നി കിരീടം ചൂടിയത്. സ്കോർ 6-2, 6-2.
ഒരു ഘട്ടത്തില്‍ പോലും സിമോണയ്‌ക്ക് വെല്ലുവിളിയുയർത്താൻ സാധിക്കാതെയാണ് സെറീന കീഴടങ്ങിയത്. വിമ്പിൾഡൻ കിരീടം സ്വന്തമാക്കുന്ന ആദ്യ റുമാനിയൻ താരം കൂടിയാണ് സിമോണ ഹാലെപ്. കഴിഞ്ഞ വർഷം ഫ്രഞ്ച് ഓപ്പൺ കിരീടവും സിമോണയ്‌ക്കായിരുന്നു.
കഴിഞ്ഞ തവണയും വിമ്പിൾഡൻ ഫൈനലിലെത്തിയ സെറീന തോൽവിയോടെ മടങ്ങുകയായിരുന്നു. അന്ന് ജർമനിയുടെ ആഞ്ചലിക് കെർബറിനോടാണ് സെറീന തോൽവി ഏറ്റുവാങ്ങിയത്.
