Sports

സ്റ്റോക്സ് കളിയിലെ താരം; വില്യംസൺ ലോകകപ്പിലെ താരം

ലോർഡ്സ്: ഇംഗ്ലണ്ടിന് കന്നി ലോകകപ്പ് കിരീടം നേടിക്കൊടുക്കുന്നതിൽ ഫൈനലിൽ നിർണ്ണായക പങ്കുവഹിച്ച ബെൻ സ്റ്റോക്സാണ് ഫൈനലിലെ താരം. 98 പന്തിൽ നിന്ന് 84 റൺസ് നേടിയ സ്റ്റോക്സ് പുറത്താകാതെ നിന്നു. അഞ്ച് ബൌണ്ടറികളുടെയും രണ്ട് സിക്സറുകളുടെയും അകമ്പടിയോടെയായിരുന്നു സ്റ്റോക്സിന്റെ ഇന്നിംഗ്സ്. ഒപ്പം സൂപ്പർ ഓവറിലും സ്റ്റോക്സ് തകർത്തടിച്ചു.

ടീമിനെ ഫൈനൽ വരെയെത്തിക്കുന്നതിൽ നിർണായക പങ്ക് വഹിച്ച ന്യൂസിലൻഡ് നായകൻ കെയ്ൻ വില്യംസണാണ് ടൂർണമെന്റിലെ താരം. 10 മത്സരങ്ങളിൽ നിന്ന് 578 റൺസാണ് വില്യംസൺ നേടിയത്. രണ്ട് സെഞ്ച്വറിയും രണ്ട് അർദ്ധ സെഞ്ച്വറിയും കിവീസ് നായകൻ തന്റെ പേരിൽ കുറിച്ചു.

അഞ്ച് സെഞ്ച്വറിയുമായി തകർപ്പൻ പ്രകടനം കാഴ്ചവച്ച ഇന്ത്യൻ ഓപ്പണർ രോഹിത് ശർമ്മയാണ് ഈ ലോകകപ്പിലെ റൺവേട്ടക്കാരൻ. 648 റൺസാണ് രോഹിത് അടിച്ചുകൂട്ടിയത്. 27 വിക്കറ്റുകൾ നേടിയ ഓസ്ട്രേലിയൻ താരം മിച്ചൽ സ്റ്റാർക്കാണ് ഈ ലോകകപ്പിലെ വിക്കറ്റ് വേട്ടക്കാരൻ.

318 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close