വാഷിംങ്ടണ്‍; പാകിസ്ഥാന് ക്രിക്കറ്റ് ടീമിനെ അടിമുടി മാറ്റിയെടുക്കുമെന്ന് പാകിസ്ഥാന് പ്രധാനമന്ത്രിയും മുന്‍ ലോകകപ്പ് ക്യാപ്റ്റനുമായിരുന്ന ഇമ്രാന്‍ ഖാന്.
കഴിഞ്ഞ ലോകകപ്പില്‍ സെമിയിലെത്താതെ പാകിസ്ഥാന് ടീം പുറത്തായതിന് തുടര്‍ന്നാണ് ഇമ്രാന്‍ ഖാന്റെ പ്രതികരണം.
ലോകകപ്പിന് ശേഷം ടീമിനെ ഉടച്ചുവാര്‍ക്കാനാണ് തന്റെ തീരുമാനം. അടുത്ത ലോകകപ്പില്‍ പാകിസ്ഥാന് ടീം പ്രഫഷണല്‍ മികവിലായിരിക്കും കളത്തില്‍ ഇറങ്ങുക. എന്റെ വാക്കുകള്‍ ഓര്‍ത്തുവച്ചോളു. ടീമിനെ സ്ഥിരപ്പെടുത്തുമെന്നും ലോകത്തെ മികച്ച ടീമുകളിലൊന്നായി പാകിസ്ഥാന് ടീമിനെ ഉയര്‍ത്തുമെന്നും ഇമ്രാന്‍ഖാന്‍ പറഞ്ഞു.
എന്നാല്‍ ഇതിനെ പറ്റിയുള്ള കൂടുതല്‍ വിവരങ്ങള്‍ അദ്ദേഹം വെളിപ്പെടുത്തിയില്ല. അമേരിക്കന്‍ സന്ദര്‍ശനത്തിനിടെയായിരുന്നു ഇമ്രന്‍ഖാന്റെ പുതിയ പ്രഖ്യാപനം.
കഴിഞ്ഞ 7 ലോകകപ്പിലും പാകിസ്ഥാന് ഇന്ത്യയെ തോല്‍പ്പിക്കാന്‍ കഴിഞ്ഞിട്ടില്ല. 2019 ലോകകപ്പിലും ഇന്ത്യ-പാകിസ്ഥാന് മത്സരത്തില്‍ പാകിസ്ഥാന് ദയനീയ പരാജയമായിരുന്നു. ഇതു പാകിസ്ഥാന് ടീമിന് കൂടുതല്‍ രൂക്ഷവിമര്‍ശനം നേരിടാന്‍ കാരണമായി.
ലോകകപ്പില്‍ സെമിയില്‍ കടക്കാന്‍ കഴിയാതെ 11 പോയിന്റോടെ ടീം അഞ്ചാം സ്ഥാനത്താണ് എത്തിയത്. ന്യൂസലന്‍ഡിനൊപ്പം എത്തിയെങ്കിലും റണ്‍റേറ്റ് കുറഞ്ഞതിനെ തുടര്‍ന്ന് പുറത്താവുകയായിരുന്നു.
ലോകകപ്പ് തോല്‍വിക്ക് ശേഷം മുന്‍ ക്യാപ്റ്റന്‍ ഇന്‍സമാം ഉള്‍ ഹഖ് ക്രിക്കറ്റ് ടീം മുഖ്യ സെലക്ടര്‍ പദവി ഒഴിഞ്ഞിരുന്നു. ലോകകപ്പില്‍ പാകിസ്ഥാന് സെമിയിലെത്താതെ പുറത്തായതില്‍ ഇന്‍സമാമിനെതിരെ ശക്തമായ വിമര്‍ശനങ്ങള്‍ ഉയര്‍ന്നിരുന്നു.
1992ല്‍ പാകിസ്ഥാന് ലോകകപ്പ് നേടുമ്പോള്‍ ടീം ക്യാപ്റ്റനായിരുന്നു ഇമ്രാന്‍ ഖാന്.
