ന്യൂഡല്ഹി: യൂറോപ്പ്യന് ചാമ്പ്യന്ഷിപ്പില് മെഡല്ക്കൊയ്തോടെ ചരിത്രംകുറിച്ച ഇന്ത്യന് അത്ലറ്റ് ഹിമാദാസ് തന്റെ നേട്ടങ്ങളെല്ലാം ലോകചാമ്പ്യന്ഷിപ്പിനുള്ള മുന്നൊരുക്കം മാത്രമാണെന്ന് വ്യക്തമാക്കി. നാളിതുവരെ ഒരു ഇന്ത്യന് അത്ലറ്റും പ്രകടിപ്പിക്കാത്ത വീര്യത്തോടെയാണ് ഹിമ തന്റെ മെഡല്വേട്ട നടത്തിയത്.പരിക്കു കാരണം കഴിഞ്ഞ ഏപ്രിലില് ഏഷ്യന് അത്ലറ്റിക്ക് ചാമ്പ്യന്ഷിപ്പില് നിന്ന് പിന്മാറിയ ശേഷം ആദ്യമായാണ് ഹിമ 400 മീറ്ററില് മത്സരിച്ചത്.
രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്രമോദി, ക്രിക്കറ്റ് ഇതിഹാസം സച്ചിന് എന്നിവര് അഭിനന്ദിച്ചതില് ഹിമ തന്റെ നന്ദി അറിയിച്ചു.രാജ്യത്തിനായി കൂടുതല് മെഡലുകള് നേടുമെന്ന് പ്രധാനമന്ത്രിയുടെ അഭിനന്ദന ട്വീറ്റിന് മറുപടിയും നന്ദിയും പറഞ്ഞ ഹിമ ;നിങ്ങളുടെ വിജയതൃഷ്ണ യുവതലമുറക്ക് മാതൃകയാണെന്ന് ആശംസിച്ച സച്ചിന് മറുപടിയായി തിരിച്ചെത്തിയാല് താങ്കളുടെ അനുഗ്രഹം വാങ്ങാന് നേരിട്ട് എത്തുമെന്നും അറിയിച്ചു .
മൂന്ന് ആഴ്ചയ്ക്കിടെയാണ് 5 മെഡല് നേട്ടങ്ങളുമായി ഹിമ ലോക ശ്രദ്ധയിലേയ്ക്ക് ഉയര്ന്നത്. 400 മീറ്ററില് അനിതരസാധാരണമായ വീര്യം പ്രകടിപ്പിക്കുന്ന ഹിമ 52.09 സെക്കന്റിലാണ് തന്റെ തന്നെ സമയം മെച്ചപ്പെടുത്തിക്കൊണ്ട് സ്വര്ണ്ണം നേടിയത്.പോളണ്ടിലെ പോസ്നന് അത്ലറ്റിക്സ് ഗ്രാന്ഡ് പ്രീയില് 200 മീറ്ററിലെ സ്വര്ണനേട്ടത്തോടെയാണ് ഹിമ കുതിപ്പ് തുടങ്ങിയത്.